السلام عليكم يا فتوكاتي عاملين ايه ,انا النهارده عمللكوا مسقعه تستاهل بقكوا ومن غير قلي وبجد مش هتفرقيها في الطعم عن المقليه وجربي بنفسك من غير كلام كتير نبدأ بالمقادييير:
–لحمه مفرومه ,بصله مقطعه.
-عدد 2 حبة باذنجان حجم متوسط.
-حبتين طماطم.
-واحده فلفل رومي كبيره.
-فصين ثوووم.
-زيت.
-معلقه كبيره صلصة طماطم.
-ملح وفلفل اسود وكمون وكزبره وشطه.
الطريقة :
-ضعي اللحم المفروم في الطاسه وقلبيها شويه
-ضعي علي اللحمه البصل المقطع وقلبي كويس من غير لا زيت ولا سمن ولا اي دهوووون اللحمه نفسها فيها دهوون مش محتاجه وسبيها تستوي براحتها .
-نقطع الباذنجان دوائر والفلفل شرايح والطماطم مربعات صغيره والثوم برضو مكعبات صغيره اوي .
-نحط معلقه كبيره زيت في طاسه لازم تكون تيفال عشان مش يلزق فيها الحاجه ولمي الزيت يسخن نحط الباذنجان ونفضل نقلب فيه هو بصراحه هيطلع عينك لحد ما يستوي عشان كمية الزيت مش كتيره وقلبي باستمرار عشان مش يتحرق.
-ولمي يستوي طلعيه علي مناديل مطبخ احتياطي برضو عشان لو في اي زيت يتصفي.
-اعملي الفلفل برضو زي الباذنجان بالظبط احنا اتفقنا مفيش قلي عشان المسقعه متبقاش تقيله.
-في نفس الطاسه من غير ما تحطي زييييييت حطي الثوم المقطع وقلبيه شويه .
-وبعدين حطي عليه الطماطم المقطعه.
-حطي الملح والتوابل(فلفل اسود وكمون وشطه وكزبره)
-وبعدين حطي عليهم الفلفل والباذنجان اللي احنا حضرناه.
-وبعدين حطي صلصة الطماطم معلقه كبيره وشوية ميه.
-وبعدين حطي اللحمه المفرومه اللي احنا عصجناها في الاول.
-وبعدين قلبي المكونات كلها كويس جدا.
-غطي الحله وسيبي المكونات كلها تتفاعل مع بعضها عشر دقائق.
-وبكده تبقي جاهزه للاكل وبالهنا والشفا اتفضلوا
وبجد بجد بيبقي طعمها روووووووووعه ومش فارقه خالص عن الطريقة المقليه حتي جوزي مش بقولوا انها مش مقليه عشان لو عرف مش هياكلها وجربوها
انا كده خلصت انا بجد تعبت في كتابة الموضوع وفي تحميل الصور يااريت تقيموني لو عجبكم الموضوع وعشان كمان انزلكوا اكلات تانيه بالصور
التقييم التقييم التقيييييييييييم مواضيع هذا القسم برعاية
bosy tata bosy tata images/avatars/moon.jpg فتكات هايلة Fatakat 389444 دبي – الأمارات العربية المتحدة
سبحان الله و بحمده