اولا كل سنة وانتو طيبين بمناسبة قرب الليالى العشر المباركين
الموضوع زى العنوانلا ما بيقول لانى طبعا موظفة وبينى وبينكو
انا اساسا ماليش فى المطبخ يعنى بطبخ بس عشان المفروض اطبخ
ووكمان لازم ندى لنفسنا وقت شوية للراحة مش كل الوقت فى المطبخ
فانا هقولكو ازى بنجز فى المطبخ يمكن حد خايب زى حالاتى يستفيد
خصوصا اللى بيشتغلو فترتين زيي
نبدا بقى الوصفات السهلة السريعة بتاعتى
المكرونة بالسجق
طبعا انا اول مابشترى السجق بثلجه شوية وبعدين اقطعه دواير واقسمه فى اكياس على قد الاكلة واحطه فى الفريزر
تحمرى البصلة وممكن توم كمان(طبعا من المفروم واللى متشال فى الفريزر وياحبذا يكون فى كيس وتفرديه فى الكيس عشان يبقى سهل تكسرى منه حته)وبعدين احط السجق وهو متجمد اقلبه شويه فى البصل وبعدين الصلصة اللى طبعا برضه متسبكة فى الفريزر وتسيبيه يستوى شويه فى الصلصة ويتسبكو سوا وفى الاخر طبعا نحط المكرونة المسلوقة
هى نص ساعة بالكتير وكله تمام ولوالشطارة وخداكى اوى شوية سلطة وبطاطس محمرة واديها
تمام كدة لو عايزنى اكمل قولو نكمل
مواضيع هذا القسم برعاية
dr_mona dr_mona فتكات رائعة Fatakat 184338 خميس مشيط – السعودية