ازيكم يا احلى فتوكات
النهارده هقولكم على وصفاتى المختلفة لتتبيل المشاوى
من باب التغيير فى طعم المشاوى
او ان احنا نجرب كذا وصفة لغاية ما نحب طعم وصفة فيهم
وتبقى دى الطريقة المعتمدة عندنا
وده لإن كل واحدة فينا لها ذوقها فى الطعم
ياللا نبدأ بسم الله
الأول دى صورة لشيش كباب وكفتة مشوية
ودى صورة من قريب للكباب
ودى للكفتة
نقول التتبيلات المختلفة دلوقتى
اولا اللحم (كباب – ستيك – ريش)
التتبيلة لكل كيلو
الوصفة الأولى
(مياه بصلة مبشورة – 2 طماطم – 5ورقات نعناع اخضر او ممكن ناشف – فصين ثوم
او ثوم بودرة – معلقة سكر او معلقة عسل نحل – نصف معلقة صغيرة صويا صوص –
معلقة صغيرة خل – عصرة ليمون – ملح – فلفل- شطة اختيارى، تخلط المكونات فى الكبة)
الوصفة الثانية
(ملح – فلفل – نصف معلقة صغيرة صويا صوص – معلقة صغيرة خل – نصف ليمونة – معلقة صغيرة سكر – اقل من ربع معلقة صغيرة روزمارى – اقل من ربع معلقة صغيرة زعتر – نصف معلقة صغيرة ثوم بودرة – فص ثوم كبير- شطة اختيارى، تخلط المكونات فى الكبة)
الوصفة الثالثة
(كوب حليب اوزبادى و كوب عصير برتقال وفص ثوم وبصلة وملعقة صغيرة بهارات لحم و2 ملعقة صغيرة خل وملعقة صغيرة عسل وملح وفلفل وشبت- شطة اختيارى، تخلط المكونات فى الكبة)
الوصفة الرابعة
(مياه بصله مبشورة – حبة طماطم – 3 فصوص ثوم – معلقة كبيرة خل – ملح – فلفل- شطة اختيارى، تخلط المكونات فى الكبة)
الوصفة الخامسة
(كوب كاتشب – معلقة كبيرة خل تفاح – معلقة كبيرة وارشستر صوص – 3 فصوص ثوم
ملح – فلفل – بابريكا – معلقة صغيرة زعتر – شطة اختيارى، تخلط المكونات فى الكبة)
ثانيا الكفتة (نصف كيلو لحمة مفرومة – قطعة دهن )
(بصلة كبيرة مبشورة وتتصفى كويس فى مصفى- معلقتين بقدونس مغسولة ومفرومة – فصين ثوم – ملح وفلفل وبهارات لحم وحبهان مطحون – شطة اختيارى، تخلط المكونات فى الكبة)
اتمنى تكون التتبيلات المختلفة عجبتكم
وما تنسونيش من دعواتكم الحلوة
وكل سنة وانتم طيبين
مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل