بسم الله الرحمن الرحيم
والصلاة والسلام على حبيبنا وشفيعنا محمد عليه افضل الصلاة والسلام
أستغفرو الله يغفر لكم ويفتح لكم من كل ضيق فرجاً
أستغفر الله العلى العظيم
اهلا بيكم حبيباتى قلبى واخواتى فى الله احبكم كثيراً
اعذرونى حبيباتى انا مازلت تعبانه وايدى بتترعش وكل جسمى بيترعش وانا بكتبلكم ولسه حالا بادئه اشعر بتحسن بعد ماشوفت الموت بعينى امبارح و زوجى وبنتى استعوضو ربنا فيا
استحملونى حبيباتى الموضوع قد يكون طويل بس ارجوكم خدو بالكم من نفسكم كويس اووووووووووووى ومش تاخدو اى علاج الا باذن دكتور موثوق فيه
هاقولكم البدايه بايجاز وبعدين احكيلكم اللى حصل امبارح
* عندى بنت واحده هتم 4 سنين يوم 8 فى شهر فبراير الجاى
* شيلت اللوب من 6 شهور وانتظرت الحمل بامر لله بدون اللجوء لاطباء ومحصلش نصيب
* الشهر اللى فات بعد انتهاء البريود بيومين روحت لدكتور اول مرة اتعامل معاه كشف عليا وعملى سونار وقالى مفيش اى مشكله بس تخسى شوية ومن هنا للشهر الجاى تاخدى سيدوفاج بس ولو مجتش البريود تعالى بعدها بيومين ولو جت
تاخدى حبيتين نولفادكس صباحا ومساءا من تالت يوم للبريود واليوم الا 14 اخد حقنه كروميون 5000 والجماع يبقى يوم 14 و 15 و 16
طبعا انا موثقتش فى كلامه لانه مطلبش متابعه تبويض ولا اى حاجه خالص ولا تحليل طب ازاى يدينى ابرة تفجيرية كده بمنتهى البساطه
* روحت للدكتور اللى كنت بتابع معاه فى بنتى وحكيتله بالظبط اللى حصل مع الدكتور الاول وقولتله ان النهارده اول يوم للبريود وانا مش واثقه فيه وجيتلك
وكشف برضه بالسونار وقالى ان شاء الله مش هنوصل للمرحله اللى تاخدى فيها منشطات ولا ابرة تفجيرية
ووصفلى نوعين برشام بجانب السيدوفاج
نوع اسمه دوبرجين اخد اول يوم نص حبه قبل النوم واليوم التانى نص حبه الصبح مع الفطار ونص باليل قبل النوم ومن تالت يوم اخد 3 انصاص فى كل وجبه ونوع تانى مش فاكرة اسمه لانى ماخدتوش ورجعته للصيدليه تانى بس هو للغدة الدرقيه
والكلام ده كان امبارح الضهر
نيجى للى حصلى بالشرح
اختى والده من اسبوع وكانت امبارح ميعادها مع الدكتور وبنتها كانت تعبانه اوى فنزلت امبارح اول ما قومت من النوم جرى على الشارع علشان اخدهم بعربيتى اوديهم للدكتور وروحت للدكتور اللى كنت بتابع معاه فى رؤى فى النص طبعا من غير اكل اصلا طول النهار
وبعد ما خلصت المشاوير كلها روحت جبت البرشام اللى واصفهولى ورجعتهم ع البيت عند ماما يرتاحو عندها لتانى يوم وييجى جوزها ياخدها فماما عملتلى ساندوتش واكلته وبعدين قومت روحت ع البيت انا وجوزى وبنتى وبعد ما طلعت البيت بساعه افتكرت البرشامه اللى باخد نصها فاخدته وزوجى نزل شغله وانا قومت اشوف شغل البيت
وفجأه
حسيت بدوخه وانى تعبانه روحت اترميت على الكنبه وحاولت انام وفجاة لاقيت نفسى غمت عليا وعايزة ارجع الى فى بطنى وجريت على الحمام فى نفس اللحظة زوجى اتصل ورؤى فتحت عليه سمعنى برجع وبصوت ورؤى تقوله تعالى يا بابا الحق ماما ارجوك هاتلها الدكتور
ساب شغله وجه جرى كنت خلاص غسلت وشى ودخلت فى السرير وبدات ارتاح شوية فطلبنا الدكتور بتاع النسا وقولتله ع اللى حصل قالى
انا قولتلك تاخدى اول يوم نص حبه قبل النوم على طول علشان متخسيش بالاعراض بتاعتها وقالى هاتى حقنه وقالى اسمها زوجى نزل جابها وقولت انا بقيت خلاص تمام مش مهم دلوقتى
المهم حسيت انى بقيت تمام وخلاص وعروسة كلمتنى وقعدنا نرغى ونضحك وكله زى الفل
المهم عملت عشا سندوتشات سخنه بيفى ورومى ولسه بحط الاكل وبقرب اول لقمه لفمى شميت ريحه البيض بطنى قلبت وجريت ارجع فى الحمام تانى فجوزى قالى تعالى اديكى الحقنه وادانى الحقنه بالرغم من ايده خفيفه جداااااااااا الا انى حسيت بوجع شديد ومستحملتش وقومت مصرخه وفجاة يا بنات لاقيت الدنيا بتلف بيا وبترمى على فوتيه قريب منى واخر حاجه فاكراها انى بقوله هاتلى جردل ارجع فيه واغمى عليا وغبت عن الوعى ومفوقتش الا و زوجى بيكب كوبايه ميه على وشى وبيصرخ وبينادينى باسمى ورؤى بنتى بتقوله الحق يا بابا ماما ماتت وواقفه بتعيط
ولاقيت هدومى كلها غرقانه ترجيع فحكالى انه دخل يجيبلى جردل من البلكونة ارجع فيه خرج لقا عينيا قلبت وبياض عينى باين ومفيش ننى من جوه ودماغى بتتطوح يمين وشمال وفجاة قومت مرجعه على نفسى وروحت خالص فضل يرش برفان على وشى مش بقوم فبيجرب الميه لقانى فوقت
ونده على جارتى فى العمارة اللى قصادى وساكنه اودامى برضه فى الخامس والله جدعه جدعه لاقصى درجه لو تطلب عينى اديهالها
نده عليها ونزلت من الخامس وطلعت الخامس فى اقلل من 3 دقايق بتجرى على السلم وبتلبس العبايه فى نفس الوقت والكلام ده الساعه 2 باليل
وطلعت جارتى وسابنى معاها ونزل جابلى دكتور وبيقيسلى الضغط جهاز الضغط اصلا مش لاقى ضغط يقيسه فجرب كذا مرة لغايه ام قاسلى الضغط وطلع واطىالمهم قاله زى ما توقعت ضغطها واطى جدااااااااااااا المهم اكلونى حادق لغايه لما فوقت وبقيت تمام
قومونى ودخلونى ع السرير وفضلت جارتى معايا لغايه لما بقيت تمام وزى الفل ونمت وجوزى فضل صاحى جنبى طول اليل يتابعنى خايف يجرالى حاجه وانا نايمه
المهم قومت الساعه 6 الصبح ادخل الحمام وحصل معايا نفس اللى حصل باليل ترجيع واغماءة والحمد لله جوزى عرف الطريقه اللى يفوقنى بيها وفوقنى وبقيت تمام ودخلت انام وفضلت كل شوية انام واصحى لغايه الساعه 3 جت لى واحده حبيبتى برضه فى غلاوة اختى قعدت معايا وعملتلى الفطار وجتل جارتى قعدو بيا هما الاتنين
وانا بفضى حبيبتى قالتلى يمكن الاثار بانت بتاعه النص حبايه علشان مكونتيش اكله جربى خديها فى نص الفطار
بينى وبينكم متعشمه كتير ان يكون ده السبب ولما اخدها فى نس الاكل مش يبان اثارها الجانبيه
واخدتها وبعدها بساعه فضلت ارجع لغاي لما خلاص حسيت انى معدتى هطلع من فمى نزل زوجى وحجزلى عند دكتور اودامنا شقته فى راس البر والحمد لله كان موجود اخدونى وصممو انى امشى بلاش اركب العربيه هو بينى وبينه يادوب اعدى الطريق من مدينه العرايس للشاليهات وروحتله اول ما وريته العلاج يارب ثا جدا وقالى ازاى يوصفلك الادوية دى من غير تحاليل وقالى على الدوا اللى مش فاكره اسمه لازم يبقى قبله تحليل للغده الدرقيه
والدوبرجين ده للبرولاكتين يعنى هرمون اللبن ولازم كنت اعمل تحليل للهرومن ويقيسه
المهم كشف عليا وقالى مفيش اى مشكله ابدا فى الجهاز الهضمى وكشف على الغده الدرقيه وقالى مفيش فيها اى مشكله
وقالى وقفى علاج دكتور النا واعمليلى تحليل غده درقيه وتحليل برولاكتين وهو يقولى اكمل العلاج ولا اغير الدكتور
والحمد لله دلوقتى انا حاسه انى احسن لما اخدت علاج الباطنه
وزوجى جابلى الاب على رجلى فى السرير فقولت اول ما فتحته اطمنكم وانصحكم حبيباتى مش اى علاج تاخدوه الا لما تكونو عارفين هو ليه وعلشان ايه وفايدته ايه واثارة الجانبيه ايه
وخصوصا الادوية اللى بتحتاج تعملى قبلها تحاليل
معلش حبيباتى انا عارفه الموضو طول جدا عليكم بس انا عايزة انصحكم ومش عايزة حد يقع فى اللى انا وقعت فيه وشوفته
وفى نفس الوقت اطلب منكم الدعاء لزوجى
وقف جنبى واقفه لا يمكن انساها له العمر كله
وكمان جارتى ووقفتها جنبى ووقفه صاحبتى جنبى وامى واخواتى اللى مسابنويش لحظة ومناموش من امبارح الا لما سمعو صوتى واتطمنو عليا وكل الفتوكات الى اتصلو بيا لما لاقونى غبت يومين وسالو عنى وزعلو علشانى
بجد بشكركم من كل قلبى
وربنا يارب يحفظكم من كل شر
خدو بالكم من نفسكم حبيباتى
وسامحونى بالله عليكم للاطاله وادعولى بالشفاء العاجل
وان ربنا يرزقنى اوان اختى الصغيرة وكل مشتاقه بالحمل السليم المعاف
ام رؤى حماده اول ديجيهاية حريمى بدمياط ام رؤى حماده اول ديجيهاية حريمى بدمياط 214895_13.gif ملكة فتكات Fatakat 214895 راس البر – دمياط