السلام عليكم ورحمة الله وبركاته
انا حبيت النهاردة اجبلكم مثال بسيط لوجبة الغذاء مبنية على نظام الهرم الغذائي بمعني انك بتاكلي كل حاجة بس بكميات محددة حتى الدهون ( زيت , سمن , زبدة) ممكن تاكليها كل يوم بس معلقة او اتنين مش اكتر ودي كانت وجبة الغذاء بتاعتنا امبارح حتى جوزي وابني اكلتهم زي دايت جماعي تعالو ا اقولكم ازاي عملتها
شيش طاووق
المقادير :
2 صدر فرخة مخلية ومتقطعة , 1 فلفل اخضر , 1 بصلة متوسطة , 1 طماطم , اسياخ خشب للشوي
التتبيلة :
ملح , فلفل , حبهان مطحون , جنزبيل , بهارات فراخ , كركم او كاري , كبابة صيني ( بهار حلو ) ودي اضافة من عندي بس بتتدي طعم حلو فالاكل , 2 م/ ك زبادي لايت عشان طراوة الشيش , وعصرة ليمون
ودي صورة الكبابة الصيني ( البهار الحلو )
1 – نحط الفراخ والخضار بالتبادل فالاسياخ ونحط عليهم التتبيلة ونسيبهم ساعة فالتلاجة.
2 – نطلع الاسياخ ونشويهم عالشواية او طاسة تيفال او بالفرن على درجة حرارة 220 لمدة نصف ساعة .
طبعا نسيت اصورها بعد ما استوت والبركة في ابني كان بيلعب الموبايل ههههههههههه
البطاطس المسلوقة
المقادير :
1 بطاطس متوسطة الحجم ( ربع كيلو ) , ام / ص زيت زيتون , زعتر
الطريقة :
نسلق البطاطس في ماء وملح وبعد كدة نهرسها بالشوكة نضيف الزيت زيتون والزعتر وممكن معلقة صغيرة جبنة موذزريلا عالوش حتة طفاسة كدة
سلطة الكول سلو
المقادير :
1 جزرة مبشورة , كوب ونص كرنب مبشور , 1 م/ ك مايونيز لايت , 1م / ك سكر دايت , 1 ك لبن رايب لايت , ملح , فلفل .
الطريقة :
1- نخلط الجزر مع الكرنب في وعاء كبير .
2- في وعاء آخر نخلط ملعقة المايونيز مع اللبن الرايب والبهارات والسكر ونقلبهم كويس ونضيفة عالجزر والكرنب ونسيبهم فالتلاجة ساعة .
ودة صورة الطبق النهائي وبألف هنا وشفا على قلبكم
على فكرة 3 اسياخ للأوزان فوف 90 كجم اما من 90 : 70 كجم 2 سيخ فقط + ربع كيلو بطاطس مسلوقة .
بسبوسة المسمسمة بسبوسة المسمسمة 294668_1.gif فتكات حبوبة Fatakat 294668 الرياض – السعودية