السلام عليكم يافتوكات والله انى احبكن فى الله
المعلومة دى اكيد اغلبكم عارفاها بس انا قولت اقولها للى متعرفشى لانى بصراحة استفدت منكم كتييييير
بصى ياستى ساعات واحنا بنقلى الفراخ بانية اول منحطها فى الطاسة نلاقى طبقة البقسماط وقعت واتفتفتت والمنظر مش ظريف خالص
اقولك بقى تعملى اية عشان تاكلى احلى بانية
حضرى ثلاث اطباق وحطيهم جنبك كدة بالترتيب طبق فية دقيق وبعدين طبق فية بيضة مخفوقة وبعدين طبق فية بقسماط
بس ياستى وهاتى البانية اللى طبعا انتى متبلاة بتتبلتك الجميلة ونفضى التتبيلة من علية كويس وحطية الاول فى طبق الدقيق وبعدين فى البيض واخيرا البقسماط
وراعى انك تعفرية بس بالدقيق مش تحطى كتير
ولما تحطية فى البقسماط اضغطى بصوابعك جامد علية
وبعدين حطية فى الفريزر ربع ساعة كدة قبل القلى
وسخنى الزيت كويس اوى وطلعية من الفريزر على الطاسة عدل ومتقعديش كل شوية تقلبية
وبس كدة وبالهنا والشفا
ماتنسونيش بدعواتكم بشفاء امى وزواجى من خطيبى عاجلا
وجزاكم الله خيرا مواضيع هذا القسم برعاية
بغض النظر بغض النظر 769247_1.gif فتكات رائعة Fatakat 769247 الجيزة – مصر
سبحان الله و بحمده