ازيكو يا فتوكات انا بجد مخنوقه مووووووووووت وحاسه ان هايجرالى حاجه انا عايشه مع اسرتى بس حاسه بالواحده وان مفيش حد مهتم بيا والا حد بيكلم معايا فى حاجه والدى مشغول بشغله دايما ووالدتى حاسه انى مش فى دماغها اهم حاجه عندها اخواتى التانين ودايما مش فى دماغها عندها اخواتى هما الاهم منى فى كل حاجه كتير اوى اتخانقت معاها وقولتلها انتى ام انتى انتى عمرك ما حبتينى وبعدها كنت بندم واروح اصالحها وانا اصلا والله اطيب واحده فى البيت واكتر واحده حنينه عليها اختى الكبيره (اكبر منى بعشر سنين ) دايما عصبيه وبتزعقلها واخويا دايما مش موجود فى البيت ولو موجود بيبقى دايما ساكت واختى التانيه اهم حاجه فى حياتها مصلحتها وبس مايفرقش معاها اى حاجه تانيه وعلطول غيرانه منى ولما اتخانق مع بابا او حاجه تقوله دلعك ليها بوظها ال يعنى كان مدلعنى ..المهم وانا فى تانيه ثانوى فى حاجات انا نفسى اعرفها وعايزه حد يتكلم معايا ويقولى ايه مشاكلك حاسه بيه بس طبعا مستحيل كنت اتكلم مع امى وحتى لما كنت بتكلم كانت علطول بتروح تحكى لاخواتى بتريقه معرفش ليه انا كان نفسى يبقى فى اسرار بينى وبينها بس هى خلتنى افقد الثقه فى انى احكيلها على حاجه وحتى لما كنت برجع احكيلها على اى حاجه ماكنتش بتهتم بالمره وطبعا زى ما بيحصل فى كل الافلام انى هادور على الحنان بره وفعلا اتعرفت على ولد كان مؤدب جدا وطيب جدا جدا وكان بيسمعلى وطبعا امى عرفت انى اعرف حد وحصلت مشاكل كبيره بس معرفوش مين الولد ده وبعد فتره من اسود فترات حياتى انى محبوسه فى البيت ومش بخرج واخواتى بيعاملونى معاملة الكلاب الولد ده اتصل بوالدى وجه اتقدم وبابا عجزه طلب منه حاجات كتير والولد وافق بس حصلت برضه مشاكل كتير عشان اختى الكبيره زعلانه انى هاتخطب قبلها وامى زعلانه انى طلعت اعرف حد المهم جه عليهم فتره منعو عنى الفلوس وبابا خد منى الموبيل وفضلت كدا لحد ماخلصت ثانويه عامه لحد مادخلت الجامعه وابتدت حياتى تهدى شويه كنت بشوف الولد ده كتير بس اما ابتدينا نتكلم مع بعض اكتر مابقتش احبه وسبته فعلا وبقيت لوحدى وطبعا امى عمرها ماهاتصدق لان انا مشكوك فيا خلقه ومكروهه علطول الخط لو حصلت اى مشكله حتى بين اخواتى لازم ابقى انا الى غلطانه اى مصيبه فى البيت انا المسئوله عنها بسبب وبدون سبب بقيت علطول خايفه وقلقانه وشايله الهم وحاسه ان لو جتلى اى مصيبه من بره هابقى انا السبب برضه لحد من سنتين قبل الثورة ماتحصل فى سنترال بتاع واحده جنبنا اسمها ام مارى دى تعرفنى وتعرف ماما لان ماما بتدفع عندها فلوس النت كل شهر كنت يوم وانا راجعه من الجامعه لقيت اختها هى الى قاعده فدتها 20 جنيه وقولتلها حوليلى رصيد وطلعت لقيت الرصيد جايلى 200 مش 20 فالبنت كلمتنى وقالتلى انتى جالك رصيد زياده قولتلها اه وحولتهملها تانى وخلاص تانى يوم وانا نازله لقيت ان ام مارى هى الى قاعده فدخلتلها لاقيتها شكلها زعلان وفكرانى كنت بسرقها وحلفتلها انى معرفش ازاى ده حصل والرصيد رجعلك وخلاص قالتلى انا كنت عايزه اطلع لمامتك بليل ومعرفش ايه قولتلها هو انا ناقصه مصايب المهم الموضوع اتصلح وسكتنا بس المفروض كل واحد فى حاله وانا فضلت الفتره دى هاموت من الرعب لانى مش ناقصه مشاكل وامى عمرها ما هاتصدق انى مظلومه المهم عدت فتره طويله مابقتش اشوفها ولو شوفتها بيبقى من بعيد لحد امبارح وانا بعدى الشارع لقيتها جنبى بصتلى بصه غريبه كدا وعدت مع العلم اننا غيرنا النت وامى مابقتش تروحلها بس امى بتعدى قدام محلها كتير ..تفتكرو ممكن تقول لامى على الحوار الى حصل من سنتين والا هاتسكت لاحسن انا مرعوبه بجد ….؟؟؟؟؟؟ ارجوكى تقولولى رايكم؟؟على فكره انا حاليا مخطوبه لراجل محترم جداا ومؤدب جدا جدا ومتدين ويعرف ربنا وغير فيا حاجات كتير بقيت اصلى بانتظام واعرف ربنا واتقى الله فى كل تصرفاتى واساعد اخواتى علطول الخط حتى لو مبلاقيش منهم كلمة شكرا بس انا بقيت كويسه وحياتى استقرت الى حد ما بعد ما اتخطبتله ربنا يخلهولى يارب ويفرجها عليه ويحفظه من عيون الناس …انا فى حاجه نسيت اقولها وانى وانا فى اولى جامعه كان فى شله شباب بتعاكسنى فى سنترال بعدنا بكذا شارع كنت بعدى قدامهم كتير وانا رايحه الجامعه وحاولو يخطفو منى شنطتى قبل كدا ولما صوتت ولميت عليهم الناس قالو اصلها سرقتنا فى فلوس وحولت من عندنا مبالغ كبيره وحاجات كدا وطبعا اهلى صدقوهم وكدبونى مع انى انا الى حكيت لاهلى ان انا حصلى كدا وان الناس دول حاولو يخطفو شنطتى…بس طبعا اهلى عشان مش بيحبونى دايما بيكدبونى ..انا فعلا تعباننه جدا واعصابى مدمره وروحت لدكتور نفسانى كذا مره وجالى الضغط للاسف ( بس الضغط جالى وانا فى تالته ثانوى عشان كانو دايما بيزعقولى وحتى لما كان بيبقى عندى درس كانو بيكلمو المدرس انه قبل مايخلص يكلمهم حد فيهم يجى ياخدنى من مكان الدرس حتى المدرس طلع مش محترم وابتدى يستغل كره اهلى ليا وابتدى يصاحبنى ويتكلم معايا فى حوارات غريبه ولو عايزه انزل من البيت كان بيقولهم ان فى حصه ويقابلنى بره وطبعا لو روحت قولت لاهلى كدا مكنش حد هايصدقنى فبسكت وبقول ربنا ييسر الحال))انا مش بحكى الكلام ده مش عشان اقولكو انى ملاك لا انا غلطت كتير فى حياتى وغلطات عمرى ما هنساها وربنا يعلم قد ايه انا ندمانه عليها وكل يوم اول مابسمع صوت خطيبى فى التليفون بقول يارب ليه خلتنى اعمل كدا كان نفسى فعلا ابقى انسانه سويه ومحترمه ليه مشيت فى السكك دى ليه مخلتنيش اققابل خطيبى من زمان كانت حياتى هاتبقى غير كداا لكن انا من كتر المشاكل الى شوفتها فى حياتى بقيت دايما شايله الهم لحاجه تتكشف قدامه من زمان ويبقى شكلى وحش انا فعلا بحبه وبقيت انسانه جديده على ايده حتى هو من كتر ما بيدعيلى بالخير ابتديت احس ان اهلى اتغيرو شويه وبقو يحبونى الى حد ما انا عشت اسوء فتره مراهقه فى حياتى ربنا مايوريها لحد ندمانه اوى اوى اوى انا ازاى اعمل كدا ازاى اتصرف التصرفات دى بس ارجع واقول ما باليد حيله انا علطول بصلى وبدعى ربنا يغفرلى ويسترها معايا ومايفضحنيش ويرحمنى من العذاب النفسى والقلق الى مش راضى يبعد عنى…انا بقول لكا ام خلى بالك من بنتك بنتك ملهاش حد تثق فيه غيرك انتى كل حاجه ليها فى الدنيا لو ملاقتش الثقه والحنان فيكى هاتدور عليه بره وياعالم ممكن تعمل ايه اسمعيلها اتكلمى معاها فى كل حاجه ابوس ايدك ماتدلهاش فرصه تروح تدور على الحب بره …ياريت يابنات تقولولى رايكم است هاتقول لامى والا لاء مع العلم ان الموضوع ده بقاله سنتين لحسن انا بقيت اقلق من كل حاجه واى حاجه وادعولى ربنا يرحمنى من العذاب النفسى الى انا فيه عشان الى كنت بعمله زمان ويشهد ربنا ان مليش ذنب فى حاجه والا اعرف عقلى كان فين ساعتها..وادعولى يابنات ربنا يبعد عنى عيون الناس واولهم اختى لانها عندها غيره قاتبله مع انى مخطوبه وخلاص هاتجوز كمان شهرين بس اشمعنا دى احلى منى اشمعنا دى يجلها وانا مايجليش اشمعنا دى خطيبها من القاهره وانا خطيبى من الصعيد اشمعنا اشمعنا اشمعنا مع العلم ان خطيبها اغنى والله من خطيبى بس هى غيرانه من خطيبى جدا حتى خطيبى واهله خدو بالهم بس اعمل ايه دى اختى ومحدش نزل اشترلها حاجات جهزها غيرى انا وهى عارفه ان اى حاجه بتتطلبها منى مش بتاخر عنها ..بس والنبى يابنات ردو عليا ماتسبنيش افضل خايفه وقلقانه كدا انا عندى الضغط وبتعب اوى …وياريت الى بتصلى تدعيلى ربنا يسترها معايا فى الدنيا وفى الاخره ويخليلى خطيبى ومايبعدش عنى ابدا ويفرجها عليا وعليه ومعلش لوكنت طولت عليكو..بس انا فعلا نفسى ارتاح ومش قادره
سندريلا بلا امير سندريلا بلا امير فتكات جديدة Fatakat 769956 الزيتون – مصر
سبحان الله و بحمده