السلام عليكم ورحمة الله وبركاته
ازيكم يا فتوكاتى
عاملين ايهحبيت اقولكم عن سر الرز المفلفل الجميل بعد تجارب كتيرة ليا وبعد ما بوظت الرز وعجن منى كتيييييييييير
اولا : طبعا هتغسلى الرز كويس جدا وتصفيه من الماء كويس جدا جدا
ثانيا : هتحطى فى الحلة من 3:4 معالق زيت
ثالثا : لو هتعمليه بالشعيرية حطيها وقلبى فيها لحد ما تبقى ذهبى غامق شوية وبعدين حطى الرز فوقها وقلبى الرز مع الشعرية بسرعة علشان الشعرية متتحرقش.
هنا بقى السر.. انك تفضلى تقلبى الرز مع الشعيرية وتكون النار عالية دقيقتين وبعدبن تهدى وتفضلى تقلبى برده خمس دقايق كده بس متخليش الرز يوصل لمرحلة انه يتحمر ((والطريقة دى فى كل طرق طبخ الرز))
وبعدين تحطى الميه والميه تكون يا دوب مغطية الرز عقلة اصبع صغيورة
وتعلى النار لحد لما الرز يتشرب المية خالص وبعدين تقلبى و تهدى و تحطى الحلة عالشياطة عالنار وتسبيه شوية لحد مايستوى وبألف هنا عليكم
ملحوظة لازم عين البوتاجاز تكون مناسبة مع الحلة اللى هتطبخى فيها
متنسوش التقييم يا حبيباتى يارب اكون افادتكم.
مواضيع هذا القسم برعاية
norbedoo norbedoo 777636_3.gif فتكات نشيطة Fatakat 777636 الزقازيق – مصر