السلام عليكم
ازيكم يا فتوكات
ربنا يقومكو بالسلامة انتو وبيبيهاتكو
كنت عاوزة اسألكم على حاجة بما ان في ناس كتير فيكو خبرة
دلوقتي انا اخر التاسع عندي يوم الخميس الجاي
وعملت كشف نسا السبت اللي زي امبارح بس الدكتورة قالتلي ان الحوض بتاعي مش " حلو اوي " ولا ضيق ولا واسع وكمان الرحم مقفول خالص والراس لتحت بس عالية خالص لكن ساعات لما بييجي طلق شديد الحوض بيوسع ، وقالتلي هاتنستنى عليا شوية كمان وانا المفروض امشي كتير
بس عشان الظروف اللي في البلد انا مش بانزل اصلا م البيت
وبصراحة زهقت اوي من الحمل
المشكلة الاكبر ان اصلا مش بيجيلي وجع ولا مغص خااااااااااااالص رغم اني بشرب قرفة بالزنجبيل كل يوم وبرضه مفيش فايدة ابدا
وبافضل افكر ان ممكن يكون ربنا مش كاتبلي الولادة الطبيعي ومحتارة
بس سمعت ان في حاجة اسمها طلق صناعي
عاوزة اعرف اذا كان ينفع اخد طلق صناعي وانا الحوض بتاعي مش واسع والرحم مقفول ولا مفيش حل غير القيصري؟
عشان لو كده كده قيصري يبقى مش لازم استنى لأني بجد تعبت والله وجسمي كله مكسر
معلش طولت عليكو
ادعولي ربنا يقومني انا وبنتي بالسلامة
SuadHassan SuadHassan 627577_2.gif فتكات هايلة Fatakat 627577 جوه قلب زوجي حبيبي – مصر