السلام عليكم و رحمة الله و بركاته
اتمنى انكم جميعا تكونوا بكل صحه و بكل سعاده.
انا ان شاء الله هعمل عمليه جراحيه فى خلال الاسبوعين الجايين
الموعد كان متحدد بس اتأجل بسبب حالة الطوارئ اللى فى البلد و المفروض ان العمليه تكون يوم سبت
عالارجح لو ربنا اراد هتبقى السبت 9 فبراير او السبت اللى بعده بالكتير
المهم انا عملت التحاليل
السكر صائم طلع 128
و الطبيعى بتاعه المفروض اقصى حاجه 110
و انا عملت بحث فى جوجل عرفت انه بيكون مرضى لا قدر الله عند 180
ربنا يعافى الجميع اللهم امين
و انزيمات الكبد الطبيعى بتاعها 45
و انا 53
و انزيمات الكلى الطبيعى بتاعها 40
و انا 42
دلوقتى انا مشكلتى انهم فى البيت متخيلين انى عندى السكر و كل ما احط حاجه فى بوقى تقلب بخناقه
حاولت افهمهم ان الزياده دى بسيطة و هتختفى بعد العمليه
مافيش فايده
كل شويه غم لدرجة انى حاسه ان جالى السكر من النكد.
لسه وقت كبير عالعمليه
هل من الافضل انى انظم السكر بتاعى فعلا من دلوقتى و لا استنى لما العمليه تقرب؟
ارجوكم حد يفيدنى فى النقطة دى
دول كمان عايزين ياخدونى لدكتور باطنه علشان انظم انزيمات الكبد
اه يانى انا اعصابى مشدوده جدا من العمليه اصلا و مش ناقصه خالص.
مع العلم ان لله الحمد و المنه باقى التحاليل كلها و الحمد لله ممتازه و رسم القلب و لله الحمد طلع جيد
اسفه عالاطالة و متشكرة لكل من اهتمت بقراءة الموضوع للنهايه.
استودعكم الله اللذى لا تضيع دائعه
و السلام عليكم رحمة الله و بركاته.
lolelove lolelove 293975_2.gif فتكات ست الكل Fatakat 293975 المحلة الكبرى – مصر