[IMG]https://img237.imageshack.us/img237/5779/ywgc27bdv8.gif[/IMG
بعد التحية والسلام
انا قولت انى هبدأ من النهاردة الحد ان شاء الله ريجيم السوائل وفولت ان الفوكات هما اكتر ناس هيشجعونى انا هعمله لمدة اسبوع وانا قريت عنه هنا فى المدونة ومستية بقى اشوف مين هتبدأ معايا
وانا مشتركة فى جروب مع العضوة الجميلة نغم بتحب ماما وانا بشكرها هى وكل اللى فى الجروب لانهم بصراحة بيشجعونى جدا ولولا انى معاهم ماكنتش كملت رجيم
المهم
اللى هتشترك معايا تقولى علشان نبدأ النهاردة على طول وياريت الاقى حد يشجعنى
واللى هتشترك هيكون تقريرها باالابتسامات يعنى لو كانت ماشية كويسة هيبقى كدة
ولو عكيت لقدر الله هيكون كدة
وبالنسبة للريجم فانا نقلتة من موضوع هنا ياريت كلنا نلتزم بيه
الرجيم
اليوم الاول
بكره ياحلوين هنصحى الساعه9 او 10 الصبح ولازم يكون الفطار بدرى عشان منضطرش نتعشى متاخر وننام ماشى هنصحى نشرب كوبايتين مايه وهنحط على كوبايه واحده بس فيهم نص ليمونه ونشرب الكوبايتين يعنى واحده عاديه وواحده بليمون والموضوع ده ثابت طول الشهر بتاع الدايت الحكايه دى لما جربتها بجد اولا بتسد النفس وبعدين بتخفى اليطن خاااااااااالص والله العظيم يابنات بطنى دخلت جوه تمام فابداوا بيها هتجيب نتيجه حلوه اوى معاكوا وبالذات الناس اللى عندها بطن
بعد مانشرب الميه بساعه يعنى الساعه 11 هنشرب كوبايه لبن متحليه بالعسل الابيض لو مفيش عسل ابيض نستبدله بالسكر مفيش مشكله الوصفه دى مفيده للى بيرضعوا وكمان للى عندهم امساك دى هتعالجها بس اللبن ياريت يكون دافى عشان يعمل كملين الصبح تمام
مع السلامة
متنسوش التقييم
الساعه 12 هنشرب اى نوع عصير فريش او معلب بسكر او من غير سكر بس ياريت لو بسكر منكترش اوى معلقتين كفايه ممكن برتقال – جوافه – موز باللبن – فراوله – مانجه … اى عصير
العصير هيديكوا طاقه ومش هيخلى فى هبوط لانه هيرفع نسبه السكر فى الدم لحد كده تمام
الساعه واحده هناخد اى حاجه دافيه من غير سكر او بمعلقتين سكر برضه يعنى ممكن نشرب (ينسون – نعناع – قرفه بلبن مفيده جدا – جنزبيل – نسكافيه – شاى بلبن – بردقوش – قهوه – شاى – وممكن كابتشينو للى متعودين عليه …. واى حاجه دافيه ) الحاجه الدافيه بتقفل المعده شويه وبتحسس بالشبع وهتريح الاعصاب والتوتر اللى بييجى من الريجيم
الساعه 2 اللى هو قبل الغدا بساعه هناخد علبه زبادى او كوبايه لبن رايب وعليها معلقتين عسل اسود طعمها جميل ومفيده جدا للانيميا وسقوط الشعر والحوامل كمان
الساعه 3 وقت الغدا تقريبا ودى تعتبر الوجبه الرئيسيه بتاعنا هناكل ايه ؟
ممكن شوربه عدس هتقولولى بشعريه ولا لأ ممكن تكلوها بشعريه مفيش اى مشاكل بس ياريت لو تحمروها فى زيت افضل ابعدوا عن السمنه الزيت اخف بكتير وبعد مانستوى فى العدس هنضربهم فى الخلاط وبالهنا والشفا وطبعا انتوا عارفين العدس فيه ايه ( عدس-طماطم-بصل-توم-حزر-بطاطس-شعريه)يعنى وجبه كامله متكامله فيها كل العناصر الغذائيه هناخد من الشوربه دى طبق كبير او بمعدل كوبايتين وهنتغدى بيهم ماشى ياقمرات
وممكن نشرب شوربه خضار عادى وبكره هنزلكوا شوربات جديده بطريقه عمايلها كلوا دى بس كبدايه تمام
الخطوه اللى جايه دى بقى مهمه ودى نصحنى بيها الدكتور عشان الاكتئاب اللى بييجى لكل واحده فينا بتعمل ريجيم وهو انى اكل كل يوم بعد الغدا بساعه قطعه شيكولاته صغيره دى بتحسن المزاج وبترفع الحاله النفسيه وبتخليكى مش مكتئبه من الريجيم مهمممممممممه وهندخل بقى نعمل ساعه رياضه مشى فى المكان على فكره انا كنت بعمل كده كنت بجيب كرسى السفره واخلى ضهره ليه وانا واقفه وامسك فيه واقف قدام التليفزيون اتفرج على مسلسل مسرحيه فيل او اسمع اغانى اى حاجه تسلينى عشان محسش بالوقت وخلاص حتى لما يكون عليه البريود بشغل الكاسيت وبرقص ساعه متواصله بجد يعنى متحججتش بقى وقلت لا انا هعمل ازاى والكلام ده لا اللى عاوز يوصل لحاجه هيوصلل لها وربنا بيدى كل واحد على قد تعبه تمام ياقمرات شجعوا نفسكوا
حوالى الساعه 5 اى حاجه تيجى على بالك او نفسك تاكليها دى ساعه فرى بس ايه برضه تكون سايله بمعنى هناخد مثلا ( بوله ايس كريم – كاسترد شيكولاته – مهلبيه – موس شيكولاته – ميلك شيك – كوب بيبسى – ….. الخ اى حاجه تحبوها بس سايله دلعوا نفسكوا
الساعه 6.5 تقريبا لازم تسيبوا فتره بين الوجبه والتانيه هناخد ايه (عصير كوكتيل – عصير طماطم – كوب قرفه بجنزبيل تحححححفه وبيخسس جامد وعن تجربه – كركديه سكر خفيف – كوب لبن رايب – او شاى او قهوه ) بس دى الاختيارات متلخبطوش
الساعه 7.5 ممكن ناكل طبق صغير شوربه عدس او شوربه خضار وممكن معاه صدر فرخه مسلوقه ومضروبه معاه او نشرب اى نوع عصير فريش او معلب
الساعه 9 ودى اخر وجبه هناكلها كوب لبن دافى متحلى بالعسل وبالسكر تانى مفيده اوى وبعدين فى ابحاث اثبتت ان كل ما زاد معدل الكالسيوم فى الجسم بتساعد على حرق الدهون بنسبه 18 % وبعدين عشان نعالج الامساك ماشى ياحلوين
ياريت بقى متكلوش اى حاجه بعد الساعه 9 وهنا بقى تكمن الكارثه لاننا بناكل وبننام فيلريت الالتزااااااااااام ياجماعه عشان ربنا يكرمنا جميعا[/font][/size][/color][/b][/center][/font][/size][/color][/b][/center]
ashrakat30 ashrakat30 513342_1.gif سوبر فتكات Fatakat 513342 شبرا الخيمة – مصر