أذيكوا يا أحلى فتوكات فى الدنيا
أنا أول مرة اعمل موضوع فى القسم ده
أنا عملت انهارده حاجة جديدة
أنا جوزى بيموت فى المأكولات البحرية …. ولقيته جايبلى الاخ ده….. مفاجأة ….
وممكن تدبيسه ههههههههههه
وانا طبعا ماكنتش عارفه اعمل فيه ايه……
بس أنا قلت لنفسى لازم أوريله أنى مش فالحة فى السمك وبس فعملت ايه………..
رحت جاية مقطعاه كده
وطبعا نطفته من جوه كويس جدااااااا…… وجبت ثوم وطماطم شيرى ومعلقة صلصة وطبعا معلقة زيت "زيتون" وحته زبدة صغيرة ….الشطة عشان حبيبى بيحب الاكل مشطشط
حطيت التوم والطماطم مع الزيت والزبدة بعد ما سخنوا…. وسبتهم خمسة دقايق وبعدين معلقة الصلصة……. وبعدين "ضيفنا الكريم "…… وسبتهم مع بعض لحد ما كله استوا وتمام "ما أخدش وقت خالص"
وفى الوقت ده سلقت مكرونة اسبجتى…… وحطيت كله مع بعضه…. و أدى شكل الطبق بعد لما جهز
ورشة بقدونس علشان التزيين……. والطعم كان حكاية
نسيت اقولكوا انى عملت جنبه شربة من المقصات والراس عشان ما فيش حاجة تترمى….. بس ما صورتهاش معلش المرة الجاية
ها…. ايه رأيكوا بقى ….. انا شاطرة ولا ايه..
عايزه اعرف رأيكوا يا حلوين…..ولا هتكسفونى معاه
وسلااااام يا أحلى أصحاب
مواضيع هذا القسم برعاية
ommarim2016 ommarim2016 567839_3.gif فتكات هايلة Fatakat 567839 brish – italy