السلام عليكم ورحمة الله وبركاته
أنا طلبت منكم امبارح طريقة عمل أبو جالمبو بالصلصة
وللعلم ابو جالمبو هو الكابوريا
بس احنا فى السويس بنقول عليه بارده ابو جالمبو
زى ما بنقول ع البلطى شبار
مختلفين فى الثقافة البحرية ههههههههههه
المهم لقيت الفتوكات مش عارفين انها بتتعمل بالصلصة
قومت جرى ع التليفون واتصلت بست الحبايب ربنا يباركلى فى عمرها يا رب
وسألتها وقالتلى ع الطريقة وعملتها وكانت تحفة
آلى هى
بتجيبى الكابوريا وتحطيها فى حلة وتحطى عليها شوية مية قولى كوبايتين كدا
وتحطيها ع النار
وأول ما تبدأ تغلى تطفى عليها وتشطفيها تحت الحنفية وتنضفيها
ازاى ؟
هتشيلى الصدفة الحمرة بتاعتها والأهداب آلى تحتها وتنزعى أطرافها الحتت آلى مش بتتآكل بس والباقى سيبيه
واركنيها ع جنب
هنيجى للصلصة
هتجيبى بصلاية وتقطعيها مكعبات صغيرة وتحطى عليها عصير الطماطم ومعلقة زيت
وملح وكمون ورشة فلفل أسمر وحبة كسبرة ناشفة حلوين ونص ليمونة أو نقطتين خل
وتحطيهم ع النار لغاية أما البصلة تستوى والطماطم تتسبك
تحطى عليها الكابوريا والمية حسب الكمية
وتسيبى الكابوريا تستوى ع النار قيمة نص ساعة
وكلى بقا أحلى رز أبيض بصلصة الكابوريا وادعيلى
وبالنسبة للمسلوقة لآلى مش عارف
بتشطفى الكابوريا كويس وتحطيها فى حلة وتملى الحلة مية
ومعاها بصلة أربع تربع وفص ثوم وملح وكمون وكسبرة
وبارده نص ساعة يا دوبك تغلى غلوتين ولونها يتغير تطفى عليها وبألف هنا مواضيع هذا القسم برعاية
أعظم حب أعظم حب 450468_55.gif فتكات غالية قوي Fatakat 450468 … – …