ازيكم يا رشيقات المستقبل
بصو يا قمرات الموضوع اني طولي 168 و وزني قبل الحمل كان 68 و بعد الولاده بقيت 78 كيلووو
و مشكلتي اني بتخن من تحت ولاني بشتغل و عندي كمان قردونه صغنونه مفش عندي وقت اعمل رياضه ولا حتى ريجيم لان بنتي الحلوه لسه بترضع.
المهم بقى قعدت ادوووووووور في النت و امخمخ لحد لما عملت نظام يخسسني الكام كيلو دول و يظبط المنطقه التحتيه و في نفس الوقت ما يأثرش على الرضاعه و الحمد لله بقالي اسبوع ماشيه عليه و جوزي لاحظ الفرق مع العلم ان جوزي من النااااااادر انه يعلق على اي تغير
سوري رغيت عليكو كتيييييييييييييير
اول حاجه نظام الاكل طبعا هو مش ريجيم لاني بكره الريجيم بس بيعتمد على انك تقللي النشويات و السكريات و تكتري الخضروات و الفواكه و السؤال و تقللي جدااااااااااااااااا من المقالي
متهيألي مافيش اسهل من كده
يعني مثلا في الفطار كفايه نص رغيف اسمر و كفايه معلقه واحده سكر على اي مشروب تشربيه و العصاير تكون من غير سكر لانها مسكره لوحدها و كمان بلاش الحاجات المقليه يعني حمري الاكل في الفرن بدل الزيت او ممكن تشوي الاكل و كمان الرز و المكرونه مش لازم تملي الطبق يعني كفايه 8 معالق اما بالنسبه للعشاء فيفضل انه يكون خفيف يعني فاكهه او زبادي مع ربع رغيف اسمر
وطبعا لازم سوايل دايما خصوصا اللي بيرضعو زي
نيجي بقى للحاجات اللي بتزود الحرق
في مشروب بيحرق الدهوووووووووووووون بشربو بين الوجبات و كمان بيزود الحليب (جنزبيل – شاي اخضر – نعناع – شمر – يانسون – ليمون بقشره) وعلى فكره بيخسس الارداف
تاني حاجه حبوب خل التفاح و دي رووووووعه و انا عملتها في البيت اللي عايزه الطريقه تقولي
تالت حاجه هي كريمات التخسيس و ده كمان عملته في البيت و بجد تحححححفه بيشيل السليوليت و بيخسس و ده انا كنت بحطه على الارداف بس ممكن يتحط على اي مكان تاني
اخر حاجه هي الرياضه و طبعا لاني معنديش وقت فبدور على الاسهل
يعني الرررررررررقص يا معلم شغلي قناه الاغاني و ارقصي
كمان انك تنامي على ظهرك و تعمل حركه العجله دي برضه حلوه مووووت ممكن تعمليها وانتي بتتفرجي على التي في
الملخص بقى بدل الرغي
1. تقليل النشويات و المقليات و الاكثار من الخضروات و الفواكهه و شرب الماء و العصائر الفرش
2. شرب المشروب السحري لحرق الدهون بين الوجبات
3. بلع حبيتين خل تفاح بعد الاكل
4. دهن كريم التخسيس و لفه بالنايلون و لبس الشورت الحراري ان وجد او اي حاجه ضيقه و ده بيكون لمده 3 ساعات مع عمل رياضه او رقص او شوبينج من نص ساعه لساعه ولو اكتر يبقى قشطه
5. دايمااااااااااااا خليكي شافطه بطنك و ده بيقوي عضلات البطن و بيخسسها و يشدها
زي ما قلت في الاول اني برضع بس اعتقد ينفع مع كل الناس و اللي مش بترضع ممكن تعمل معاه ريجيم فاكيد هيعمل نتيجه اسرع
بس ليا طلب امانه عليكو ما تدخلو و تخرجو من غير رد لاني تعبت في الكتابه ولو عجبكم الموضوع قيموه
واي استفسار انا في الخدمه
أم نوجـــــــــي أم نوجـــــــــي 368903_1.gif فتكات رائعة Fatakat 368903 الغربـــه – بلاد الله الواسعه