ازيكوا يا فتاتيك يارب تكونوا بخير
طبعا من كتر ما قاسينا من الفرن وحراره الفرن وسوء التسويه
وشويه مستوى من بره ومن جوه نى
وشويه محروق من تحت ومن فوق لسه ابيض وحاجات كتير كده
جربت انا حاجه كده وطلعت بجد فكره روعه اللى هيه ايه بقى
احنا طبيعى بنشغل الفرن عشر دقايق قبل ما نحط فيه اى حاجه علشان يسخن كويس
بدل ما نشغل الفرن من تحت بس لالالالالالالالالالالا نشغل الشوايه كمان نفس العشر دقايق
وقبل ما ندخل الصينيه او اى معجنات فى الفرن نطفى الشوايه
كده بيكون الفرن كله من فوق لتحت سخن وتستوى كل حاجه بنفس الدرجه من كل الاتجاهات
وكمان ممكن تعملى حاجه تانيه لوعندك صاج بتاع الفرن نفسه
ممكن تشغلى الشوايه وتهديها على الاخر وتسيبيها طول فتره الخبز
لكن بتقلبى الصاج وتحطيه فى الفرن تحت الشوايه مباشرة
برضه هايديكى اى حاجه مستويه من جميع الاتجاهات بنفس الدرجه
وطبعا الشىء الرئيسى دلوقتى فى الفرن اللى مافيهوش مروحه اننا بنحط حله فيها ميه بتغلى فى ارضيه الفرن
علشان البخار اللى بيطلع منها بيساعد على توزيع الحراره بشكل متساوى فى جميع الجهات
ودى صوره لقرص عملتها وكنت حاطه الصاج الفاضى تحت الشوايه على طول ومشغلهالشوايه على اهدى درجه
وطلعت القرص تحفه
مواضيع هذا القسم برعاية
ام لوزه وبسبوسه ام لوزه وبسبوسه 283570_14.gif فتكات رائعة Fatakat 283570 الرياض – مصر