السلام عليكم ورحمة الله وبركاته
اول حاجة الف مبروك عشان يكون باذن الله طبعا فى حمل متقعيش فى الاخطا دى
اولا خلى ثقتك فى ربنا كبيرة واعرفى ان الاطفال رزق والدعاء دايما
تانيا فى بداية الزواج طبعا هنسمع ونقرا عناننا نحط برفان او زيت جونسون فى المنطقة الحساسة اياكى تعملى كده بالذات قبل الجماع لانها بتقل الحيوانات المنوية وده طبعا مش كلامى دى الدكتورة اللى كنت بتابع عندها هى اللى نبهتنى لانى كنت بحط جونسون
ثالتا المطهر يستحسن يكون مطهر خارجى وتكون دكتور نسا هو اللى كاتبه مش من نفسنا او حد جربه نروح نجربه
بالنسبالى الدكتورة نصحتنى انى مستعمليش دش مهبلى ولا بتادين وكتبتلى ريفارست
رابعا النظافة ثم النظافة والف مرة يعنى الملايس الداخلية فى اغلب الوقت تكون قطن 100% ولو عايزين نلبس الاندر وير بتاع القيميص عرسان جداد بقى منطوليش فى لبسه وبلاش النوم بيه
خامسا بعد الجماع متقوميش على طول وتتنططى لا اقعدى شوايا على ظهرك ويستحسن تنامى لو بالليل وتقومى قبل صلاة الفجر تغتسلى وطبعا الاحسن انك تغتسلى بمياه دافية مش ساقعة ابدا حتى لو فى الصيف
لان بعد الشر ده ممكن يسبب قرحة ودى حاجة بسيطة وحلها الكى بس بتعطل الحمل شوايا
وكده اكون خلصت انا بقولك الكلام ده لان محديش فهمنى وتعبت كتير اول ما اتجوزت وكل شهر افتكر انى حامل اتاريها قرحة ولفيت على دكاترة كتير وفى الاخر دكتورة فهمتنى كل ده عشان كده قلت لازم افيدكم وجاتلى قرحة والحمد لله عملتها ودلوقتى انا حامل فى الشهر الرابع
عقبال ياااااااااااارب كل مشتافة ويرزق كل زوجه بالذرية الصالحة ياااااااااااارب
ادعولى بالله عليكم ربنا يكمل حملى على خير
ولو كتبت فى المكان الغلط سامحونى بس ده اكتر قسم كنت بدخله عشان اعرف ايه الاعراض اللى عدى دى او ل ما اتجوزت
nona ahmed7 nona ahmed7 691921_4.gif فتكات رائعة Fatakat 691921 اسكندرية – مصر