اخواتي الحبيبات
من خلال تجربتي
هقدم لكم بعض النصائح الهامة واتمني ان تنال اعجابكم واستحسانكم
***
— أول ما تعرفي انك حامل هتروحي للدكتور فورا علشان يكتب لك مثبت لازم يكتب لك حمض الفوليك من اول يوم حمل ولو مكتبوش ليكي اطلبي منه لو قالك ان ملوش اي لزمة يبقي روحي لدكتور تاني يكون شاطر وقولي له والسبب ان حمض الفوليك يحمي المولود الحديث من الاصابة من الصفرا اللي بتدخله الحضانه . بتاخدي حمض الفوليك من اول يوم لاخر يوم حمل بالنسبة لي اخدته اول 3 شهور وباقي الحمل اخدت حديد وحمض الفوليك مع بعض في برشامة واحدة اسمه حديد فيروز وبرضوا اسالي الطبيب الاول ودا للاهميه القصوي لحمض الفوليك .
*****
— ابتعدي عن تناول الكبده والسجق واللحوم الحمرا اول 3 شهور نهائيا والسبب انه بيزود الدم في الجسم ودا غلط علي الرحم في اول 3 شهور
*****
— بعد ال 3 شهور الاولي ابدأي في تناول الكبدة واللحوم الحمرا بشكل كبير لزيادة نسبة الحديد في الجسم وزيادة الدم
*****
— ابتعدي في فترة الحمل عن القرفة والحلبة لانهم بينضفوا الرحم ودا مش مطلوب في الحمل ونصيحتي ابتعدي عن اي اعشاب خالص
*****
— البرتقال تاكليه طول فترة حملك لحد الولادة لانه غني بفيتامين سي وبيحفظك من البرد ودا عن تجربة وللاسف اني بطلته في الشهر التاسع وكانت النتيجة ان جالي برد انتهي بكحة شديدة وما بالكم بالقيصري والكحة علشان كدا تجنبي اصابتك بالبرد والكحة حافظي علي نفسك في اواخر الحمل بشكل كويس
*****
— لو جالك امساك في فترة الحمل بلاش تألمي نفسك وهقولك علي السر اللي يخليكي تبتعدي عن الامساك في فترة الحمل وهو ( الموز ) اول ما تحسي بالامساك قبل دخولك للحمام كولي موز كويس اي عدد مش مشكلة وهتلاقي الامساك راح منك ودا عن تجربة
*****
— لو عندك املاح في فترة الحمل حاسة بحرقان في البول وبتدخلي الحمام وتطلعي وتحسي انك لسه عايزة تدخلي الحمام وتدخلي تلاقي نقطة بس نزلت يبقي اشربي ماء شعير واتناولي عصاير كتير ممكن تشربي بيريل او فيروز ودا مش غلط دا اكبر دكتور قالي عليه ولو مش بتحبيهم هاتي شعير واغليه واشربي منه بعد التحلية او وهو عادب
*****
— ابتعدي عن تناول الكالسيوم ( حبوب الكالسيوم ) لانها بتعمل حصاوي في الكلي وعوضي دا باللبن والجبن والجبنه القريش بالتحديد ولو مش قادرة تشربي لبن زي حالاتي كدا مش مشكلة اشربي شاي بلبن والبيض مهم جدا والسمك الشوي والخضروات
*****
— زي ما قلت لكم قبل كدا في اول التاسع او اول الثامن لازم تجيبي كريم لترطيب حلمة الثدي وتحطية كل يوم ودا بيقلل من الالام المصاحبة للرضاعه في الاول
*****
— اول ما تولدي هتلاقي اللبن قليل في صدرك او يكاد يكون معدوم تناولي الحلاوة الطحينية او الكلاوي ولكني تناولت الحلاوة الطحينية فقط في اليوم الرابع وكان تاثيرها جيد جدا
*****
دي شوية حاجات ولو افتكرت حاجات تانية هاجي واكتبهالكم
متنسوش التقييم
—–
ودا تكملة للموضوع بعد الولادة
تجهيزات الولادة والسبوع
https://fatakat.univanet.com/#2056155
امرأه فوق القمة امرأه فوق القمة 537533_34.gif فتكات ست الكل Fatakat 537533 الاسكندريه – مصر