سلام عليكن يا فتوكات
بصوا انا عايزاكوا فى استشارة كده
دلوقتى حماتى الله يشفيها ويعافيا
جت من حوالى اسبوع
سخنت وجالها زى دور برد كده
للعلم هى عندها السكر وبتاخد الانسولين
المهم بقى بعد موضوع البرد ده ب3 ايام
لاقينا رجلها اليمين قدمها بجزء من القصبة كده قبل الركبة بحبة كده
حمرا اوى اكنها محروقة بعيد عنها
ومنفوخة جداااااا عكس الرجل التانية تماما
قولنا يمكن من الانسولين لان الانتفاخ ده دايما كان بيجيلها من الانسولين وبتعمل حمام اعزكن الله كتير اوى
قعدنا يومين
لاقينا الوضع مش بيتغير بالعكس ده بيسوء
وديناها لدكتور حميات
قالنا ده التهاب خلوى وبيجى من السكر او السمنة او القلب
وادانا حاجة كده اسمها خلات الرصاص زى محلول كده بنحطه ع رجليها مدة ربع ساعة ونشيله واداها برشام
اطمننا شوية لاننا كنا خايفين اوى
بس اللى حصل دلوقتى خوفنا اكتر
هو الحمد لله الانتفاخ بدأ يروح شوية بشوية
انما الاحمرار زى ما هو
وناحية قصبة رجليها دى
طلع فيها فقاقيع بيضا كده عاملة زى المدة !!!
احنا بصراحة خايفين اوى من موضوع المدة دى
لانها مش بتفرقع هى عاملة فقاقيع زى ما قولتلكم
دلوقتى انا عايزة اعرف لو فى حد مر بتجربة زى دى
ايه العلاج المناسب ونوديها لدكتور تانى ولا ايه
وهل كده فى المرحلة العلاجية ولا الحالة بتسوء اكتر ؟؟
يارب تردوا عليا لانى بجد قلقانة وادعولها
eltawam eltawam 357130_3.gif Fatakat 357130 القاهرة – مصر