ازيكم يا حوامل ويا امهات قريبا
زي العنوان كده بالظبط انا كنت مسحت الموضوع ده عشان التقييم السيئ من بعض العضوات الله يسامحهم والنتيجه اني مسحته وحرمت غيريهم يستفيد لكن بعتولى على الخاص كتير وقالولى ارجعى اكتبيه تاني وكتبته بس عشان خاطر عيونهم لانهم عضوات قمه فى الاحترام …. اجري على الله فقط
انا من اسبوعين كتبت فى القسم ده بسألكم عن زلال الحمل وكنت مرعوبه وبعيط لما الدكتورة قالتلى عندك زلال وكنت فى اخر كام يوم فى السابع ورايحه اكشف لا بيا ولا عليا وكان فيه تحليل بول معمول لقيتها بتقولى عندك التهابات فى البول واملاح وده جابلك زلال ولو مخدناش بالنا من الزلال لاقدر الله هجيلك تسمم حمل ومعنى تسمم حمل ايه؟؟ يعني هولد على طول والبيبي مش هيوصلله غذا ولا اكسجين وغلط جدا عالام وانا سمعتها بتقولى كده وانفتحت حنفيه العياط لقيتها قالتلى اهدي متعيطيش وكتبتلى مضاد حيوي وفوار 3 مرات فى اليوم وقالتلى دورك بقى كا الاتي :
– شرب ميه كتيييييييييييييييييييييييييييييييييييييييييييييييي يييييييييييييييييييييير
– ممنووووووووع اكل الموالح والحوادق وممنوع الملح اصلا فى الاكل
– اعملى اكلك يامشوي يا مسلوق
-لازم تقللى من وزنك لان انا كنت عندها فى نص السابع ولما رحتلها زدت 2 كيلو ونص فى خلال اسبوعين بس قالتلى ده خطر جدا
-ممنوع الحلويات والمقالى وحلويات رمضان اللى بتتخن
-قللى من البروتينات على قد ماتقدري لان اصلا الزلال يعني كتر البروتين فى البول وقصور الكليه عن تحليل البروتين تقريبا ده الى فهمته لان كل شويه الممرضه تقاطعها
– ممنووووووووووووووع منعا باتا اكل البيض لان ده برضه الى بيعمل الزلال
– ممنوووووووع الكفايين منعا باتا وانا تقريبا فى حملى ده كنت بتوحم على شاي وقهوه ولاتيه ونسكافيه طول الوقت بشربهم وبرضه كنت باكل حلو كتيييييير وده تخنني وباكل بسكوت مملح
– قالتلى قيسي ضغطك باستمرار كل 3 ايام فى اى مستوصف لو على تعاليلي فورا الحمد لله كان ضغطى دايما واطى
– قالتلى راقبي كف ايدك ورجلك لو حصل انتفاخ تجيلي بس الحمد لله محصليش
– قالتلى تجيلي كل اسبوعين نعمل تحليل بول
انا النهرده يا جماعه فى نص التامن وفاتو الاسبوعين وعملت تحليل بول وفرحت فرحه عظييييييييييييييييييييييمة قالتلى ممتااااااز نسبه الزلال قلت كتييييييييييييير ماشاء الله برافو عليكي وقالتلى وقفى المضاد
بس نبهت عليا امشي على نفس النظام الغذائي اللى كنت عملاه وقالتلى الميه تتشرب كتييييييييير ولو عايزة تصومي صومي بس عوضى فتره الصيام بشرب ميه كتيييييييييير طول الليل لانها كانت منعانى من الصيام عشان البول مش يتركز واشرب ميه طول النهار والليل والحمد لله الالتهابات والاملاح رااااااااحت والبول عندي بقى فاتح بعد ماكان لونه زي لون الشاي برتقالى محمر غاااااااااااااااااامق وفيه حرقه
بصوا بقى انا عملت ايه لكل وحده عندها زلال نفسي اساعدها لانى هنا ملقتش اللى يساعدني اتنين بس ردوا على موضوعي ليه معرفش مع اني برد على كل موضوع اقراه ولله الحمد جزاهم الله كل خير ياااااااااااااااااااارب ويجعله فى ميزان حسناتهم
الطريقه :
– كنت بملى ازازة ميه اللتر ونص واحطها جنبي مش بتفارقني خااااااااااااااالص حتى وانا نايمه جنبي عالكومودينو وانا بطبخ معايا وانا فى الحمام لما بيجيلى امساك بشرب منها برضه وكل نص ساعه املاها واخلصها واشرب فى ميه وبشرب عصير قصب كتير برضه بيدر البول
– كنت بفطر طبق فاكهه كبير او طبق سلطه كبير او طبق تبوله بس ملح رشه خفيييييييييييييفه جدا تدي مجرد نكهه وساعات مش بحط
– طبعا بفضل اشرب ميه طول الوقت وبين الوجبات اقوم احضر الفطار عشان جوزي فا بيفطر اجي افطر معاه هو اكله متسبك وملحه مظبوط وانا بعمل اكل صحي يا شوربه خضار بربع فرخه مسلوقه يا اما لحمه مشويه وشويه رز معمول بميه بس زي بتاع الاندونيسيات من غير ملح وهكذا
– جوزي بقى بعمله سحوره العادي انا باخد زبادي وبكون غاسله ربطتين خس وباكلهم لان كلهم ميه ممتاااااااااااز
– بين الوجبات بقى لما بجوع باكل تفاحه او كمترى او 3 تمرات وهكذا وطبعا بشرب حليب بس قليل الدسم عشان البيبي حتى الزبادي
النتيجه بقى اني فى الاسبوعين دول من اول التامن لنصه لحد مارحتلها وقاست وزني زدت بس نص كيلو والدكتورة قالتلى وزنك اكتر من ممتاز انا كنت هقلك الزياده الطبيعيه تزيدي كيلو كده بس انتى شاطرة زدتي بس نص كيلو وده فى حد ذاته انجاز فرحت اوووووووووووووي وعنيا دمعت قالتلى وبعدين مفيش عياط دنا هولدك للمرة التانيه وضحكت معايا بجد ربنا يخليهالى يارب احن دكتورة شفتها فى حياتي
دي كانت تجربتي يا بنات وهستمر على الى انا بعمله ان شاء الله لحد ماولد باذن الرحمن يااااااااااارب عايزة منكم دعوه حلوة ربنا يباركلى فى ابني ويبطل شقاوة ويديني ساعه سهله ياااااااااااااااارب واى سؤال انا تحت امركم
Madam koko Madam koko 658931_9.gif سوبر فتكات Fatakat 658931 بلاد الفرنجة – السعوديه