ده اول موضوع ليا في القسم ده مع اني مجربة
وصفات كتير لقناة فتافيت وانا من المدمنات عليها
خصوصا حورية المطبخ ووصفتي النهارده ليها
وقبل ماادخل في الموضوع احب اشكر الغالية
نعمة من ربي على تعبها ومجهودها الرائع
وهي الي طلبت مني انزل موضوع هنا
وصفتي تارت التفاح بالشوفان
مقادير العجينة
7 معالق كبيرة دقيق
3 معالق كبيرة شوفان
1/4 كوب زبدة +ملعقة كبيرة
بيضة +صفار بيضة فانيلا
انا مستعملتش الصفار
1/2 ملعقة صغيرة بكينج باودر
1و1/2ملعقة كبيرة سكر ورشة ملح
الطريقة
نخلط جميع المكونات مع بعض دون العجن الكتير
يفرد العجين في قالب التارت ويخرم بشوكة
ويدخل التلاجة
4تفاحات مقطعة مربعات
ملعقتين كبار سكر
ملعقة كبيرة زبدة
نص ملعقة قرفة
شوية مكسرات اي نوع
وشوية زبيب
الطريقة
انا مصورتش المرحلة دي عشان كنت منزلة
موضوع في قسم المعجنات والتارت وشرحت
طريقة تعسيل التفاح
نحط التفاح مع السكر والزبدة والقرفةفي طاسة
عالنار ونسيبهم لغاية ما التفاح يتهري ونضيف
الزبيب ونقلبه شوية نطفي النار ونسيبه يبرد
وبعدين نضيف اللوز محمر ومطحون
الطبقة الثالثة الكرامبل
كوب دقيق
كوب شوفان
1/2 كوب سكر
3/4 كوب زبدة
الطريقة
تخلط جميع المكونات بشوكة حتى الحصول
على عجين زي الرمل ونسيبه على جنب
نطلع قالب التارت من الثلاجة ونجهز كل المكونات
نحط حشوة التفاح فوق التارت وتكون طبقة متساوية
ونحط من فوق طبقة الكرامبل الكمية كبيرة
ممكن تعملي نص المقدار
ندخلها الفرن على حرارة180 لمدة من 25 ل30دقيقة
وبعدين تحت الشواية تتحمر شوية ونطلعها ونرش
عليها السكر الباودر وشوية قرفة وممكن تتزين
بمكسرات
شايفين الحشوة من جوه عاملة ازاي
والتارت طلع رووووووووووووعة وطبقة الكرامبل
مقرمشة وعاملة زي البسكويت
وبكده اكون خلصت موضوعي يا رب ينال رضاكن
وتقيموه حسب دوقكن وتشجعوني
انزل مواضيع تانية ان شاء الله
مواضيع هذا القسم برعاية
soso sanae soso sanae customavatars/avatar1104489_22.gif سوبر فتكات Fatakat 1104489 تطوان – المغرب