النهاردة انا جايبلكم موضوع جديد وحصريا علي اكبر واحلي منتدي في العالم العربي
انا معايا روستو الديك الرومي او اللحمة الباردة بس من صدر الديك الرومي
وكمان معاه مكرونة بصوص المشروم يلا نبداْ
1 كيلو صدر ديك رومي+شرايح جزر+شرايح فلفل الوان رومي+فصوص توم+فلفل حصي
انا جبته مربوط جاهز زي الصورة
اول حاجة هنجيب سكينة رفيعة ونفتحه زي كده ونلف السكينة كويس
وبعدين ندخل يد معلقة خشب زي كده
وبعدين ندخل فصوص التوم ونزقها كويس لجوه زي كده
وشرايح الجزر زي كده
وشرايح الفلفل زي كده
و بعدين حاجة هنجيب معلقتين زيت+معلقة سمن ونشوحه زي الصور
وبعد التشويح ممكن نزوده ماء وعادي نسويه ولما يستوي نلفه في بلاستيك فويل وورق فويل
او كيس بلاستيك وعليه فويل ونضغط كويس جدا
انا سلقته مع بصله وجزره وفلفل والملح يضاف فى الاخر ملحوظه زودوا الملح شويه علشان اللحم يشربه
وميكونش دلع
ونسيبه يبرد وبعدين يدخل الفريزر لمدة ساعتين او 3ساعات وممكن نعملوه قبلها بيوم ونلفه فى كيس
بلاستيك وفويل ونضعه فى الثلاجه ونقطعه تانى يوم
وممكن نسويه في الفرن بعد لفه بس نلفه ونحطه في صينيه علي نار هادية
وبعد ما نبرده نقطعه بسكينه حامية شرايح وندخنه
ولعت فحمة وحطيتها علي فويل وغطيت زي الصورة بعد ما قطعته شرايح
ونيجي بقه للمكرونة
علبة مشروم +نصف كيلو لبن +نصف كوب كريمة لباني+ملح وفلفل +مكرونة مسلوقة في ماء وملح
انا اخدت الزيت والسمن بتاعة تشويح العرق وشوحت فيها بصلة مع فصين توم زي كده
وبعدين شوحت معاهم المشروم وحطيت عليه معلقتين دقيق
وبعدين عليهم نصف كيلو لبن ونصف كوب كريمة لباني+ملح وفلفل
وسلقت المكرونة وقلبتها معاهم ملحوظة المكرونة ديه تقدم ساخنة افضل
وده الروستو بعد التقديم
وده صوص المسطردة قدمته معه وكان تحفه وممكن كمان يكون بصوص الكاتشب
وده طبق المكرونه بالمشروم والكريمه
اتمنى الموضوع ينال اعجبكم ولو عجبكم قيمونى وبلاش تنسوني
مواضيع هذا القسم برعاية
فريدة فى كل شىء فريدة فى كل شىء 591458_22.gif برنسيسة فتكات Fatakat 591458 القاهرة – مصر