النهاردة يا فتوكات وبناء علي رغبة اخواتي الفتوكات
معايا طريقة الممبار
اول شئ نقلب الممبار علي معلقة خشب عشان ننضفه كده
وبضهر السكينة نكشط الممبار كده
ثم ننقعه 10 دقايق في ملح وخل وندعكه كويس جدا
ثم ننقعه في ماء ونصفيه كويس
لتجهيز الحشو
بصلة كبيرة قطع +3 كوب ارز +خضرة اونصف ربطة من شبت +بقدونس +كسبرة +معلقة كبيرة بهارات
معلقة كبيرة مسح ملح +فلفل اسمر+معلقة كبيرة قرنفل لماء سلق الممبار
انا مش بسبك لكن بضيف فلفل احمر حلو للطماطم ومعلقتين صلصة بتكون مسكرة جداااا
عشا ياخد لون حلو ولو مش هتعملي كده سبكي الصلصة
بقطع كل المكونات واضيفهم مع الصلصة +معلقة سمن ومعلقة زيت
ولتسهيل الحشو للمبتدئات قطعت زجاجة بلاستيك وهاستخدمها
او تحشيه بايدك اوكي
ندخل الممبار في الزجاجة كده ونمسك الممبار بايدنا كويس
واحنا بنحشيه
وبمعلقة ندخل الحشو كده
والحشو يكون النص فقط عشان يبقي مفلفل وهيزيد
وعشان تدوقي ممبار طعمه تحفة نضع معلقة كبيرة قرنفل في ماء السلق ومعلقة كبيرة ملح
والمدة الصح والكافية جدااااااااا 35 دقيقة عشان يبقي مفلفل
لانه بعد ما نطلعه بيكمل تسوية
وعشان يبقي مدور نلفه دائرة ونسقطه في الماء المغلي
ونصفيه في مصفاة وعلي التحمير
وعشان يبقي طعمه زي المحلات نضع قطعة دهن او ليه مع زيت للتحمير
يمممممممي مقرمش ولذيذ
وكمان مفلفل جداااااا شوفوا بالف هنا
اتمني يعجبكم وتجربوه وبالف هنا
مواضيع هذا القسم برعاية
فريدة فى كل شىء فريدة فى كل شىء 591458_22.gif برنسيسة فتكات Fatakat 591458 القاهرة – مصر