السلام عليكم ورحمه الله وبركاته
ازيكم يابنات يارب جميعا بخير ..
كنت من زمان بقول ياترى امتى هنزلكم وصفه من بيتي وكنت حاسه انها بعيده زي مانتو عارفين انا عروسه من شهرين ولسه مدلعه بس اخيرا سابوني ابدا اطبخ بقى بعد ماما مضبطاني طول الفتره الي فاتت
عاوزه تقيم جامد جداا مليش دعوه
عملت كفته بانيه برغم انها سهله بس انا اول مره اعملها ع فكره انا مصورتش كل الخطوات لان مفكرتش اني هنزلكم غدايا مع جوزي لكن لما خلصت وحسيت اني ضبطت شكل الطبق فتح نفسي اصوره واحطه ليكم
واقولكم عملت الكفته ازاي
يلا بينا نتكلم في الاكله .. الطريقة:
كان عندي نص كيلو لحمه مفرومه عملت نصها للشوي وقلت اما اعمل التاني بانيه ..
طبعا بعد ماتطلعي اللحمه المفرومه بتعصري عليها ليمونه وتحطي التوابل الي تحبيها انا حطيت فلفل وملح ونقطه قرفه ونقطه شطه عشان تدي ريحه وطعم وكمان حطيت شويه بقدونس عليها وقعدت اقلبها بايدي بعدين في الكيتشن ماشين او الخلاط الي عندك تحطيها ومعاها شويه بقسماط انا حطيت بمقدار كف ايدي كده وفيه ناس بتحط بيض كمان انا محطتش
بعدين ياخدو ليهم كام لفه كده في الخلاط عشان تتماسك وتكوني محضره طبق فيه بيض وعليه التوابل وطبق تاني فيه البقسماط وتشكيلها زي مانتي عاوزه انا عملتها زي الكور المدورة وتقليها في زيت غزير
وقلت اعمل معاها رز ابيض وطبعا معروف الارز مقداره بيتعمل ازاي .. وقليت شويه بطاطس بقى
وده شكل الاطباق وقت التقديم قبل ماحطه ع السفره من المطبخ مباشره
قولولي بقى شكله يجي مني ولاايه عاوزه تقييم جامد اوي
مواضيع هذا القسم برعاية
فتوكه امورة فتوكه امورة 281395_35.gif Fatakat 281395 مدينه الصحافه – اسكندرية