اللهم صل وسلم وبارك علي سيدنا محمد
ازيكم يافتوكاتي يارب تكونوا بخير
النهارده جايبه لكم تاني وصفه للبطاطس سهله وبسيطه وكمان تنفع في عزومه بتكون شكلها حلو وجميل
وهي صينيه البطاطس بالبشاميل يارب تعجبكم
يلا نشوف شكلها
يلا علي الطريقه
اولا نسلق البطاطس بتاعتنا ونصفيها ونحط الملح الفلفل وشويه كمون وحته زبده
نهرسها كويس بالشكل ده
نبتدي نشكلها كور ونعمل زي الحفره فيها بالشكل ده وعشان تسهلي معاكي بلي ايديكي مايه هتلاقيها تتفتح بسهوله خالص
انا حشيتها لحمه مفرومه عصحتها بالبصل عادي خالص وحطيت فلفل اخضر صغير عليها وفي الاخر ضيفت جزر مبشور وتقلبتن واطفي عليها النار
دي شكلها
نحط الحشوه بتاعتنا
ونقفلها تاني بالشكل ده
ونبتدي نرصها في الصينيه
وعليها رشه جبنه موتزريلا
نبتدي نجهز الباشميل بتاعتنا
انا نزلت طريقته قبل كده هتلاقوه هنا
من مطبخي بالصور مكرونه بالبشاميل وفراخ بانيه مقرررمشه غدانا النهارده ياحلوينبس النهارده عملت نص المقدار بس وهقولكم برضه المقادير معلقتين ونص كبار دقيق
معلقتين سمنه او زبده
2 كوب حليب سايل
الطريقه الزبده مع الدقيق علي النار ولحد ما تشمي ريحه الدقيق تضفي الحليب السايل وتقلبي بسرعه بالمضرب بتاعك
وتهدي النار خالص وتقلبي علي طول لحد ما يتقل معاكي
ده شكله اهو شوفه قوامه حلو وكريمي ازاي
نضيفه للبطاطس انا بحب البشاميل كتير عشان كده زودته انما لو تحبي الكور البطاطس تكون باينه ف الصينيه يبقي تقللي البشاميل شويه عن كده
ورشه جبنه كمان علي الوش
وندخلها الفرن لحد ما تحمر معاكي هي علي العموم مش هتحتاج اكتر من لون لان كل حاجه مستويه معايا
هنا بعد ما خرجت من الفرن
زوووووم
وهنا بعد التقطيع هي المفروض تسيبيها تبرد خالص عشان تكون شكلها مظبوط انما انا استعجلت عليها
وكمان زوم علي الحشوه
وكمان
وبس كده ياقمرات شوفته سهله وبسيطه ازاي
اتمني تكون عجبتكم وتجربوها واكيد هتعجبكم ان شاء الله
ومستنيه ردودكم الحلوه والتقييم لو شايفه الموضوع يستاهل
وفي كمان مواضيع كتير في توقيعي ان شاء الله تعجبكم
مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه