ازيكم يافتوكاتي يارب تكونوا بخير
النهارده جايبه لكم الباتون ساليه الهش المقرمش من مطبخي بطريقه سهله جدااا ومقادير مظبوووطه جدااا والنتيجه راااائعه بجد هتدعولي لما تجربوه
ده شكله عشان افتح نفسكم
المقادير
3 كوب دقيق
200 جرام زبده
معلقه كبيره سكر
معلقه صغيره ملح
معلقه صغيره كمون
بيضه
معلقه كبيره خميره فوريه
مايه دافيه للعجن
الطريقه
الدقيق مع الزبده والبيض ونفركها جامد بالشكل ده
نضيف باقي الكمون والملح والخميره
نضيف المايه الدافيه لحد ما تتكون معايا عجينه طريه وناعمه ومتماسكه بالشكل ده ( تقريبا كوبايه مايه )
نسيبها ترتاح وتخمر معايا
نبتدي نشكله تابعوا بالصور ياحلوين
نبرومها بالشكل ده
وتوفيرا للوقت نقطعه كده ولاحظي السمك بتاعه عشان يطلع مقرمش زي ما تحبي
نرصها في صينه فرن ونسيبها ترتاح شويه وبعدين وندهنها بالبيض ونرش عليها سمسم او كمون سليم او حبه البركه زي ما تحبي
ندخلها الفرن تحت حراره 180 لحد ما تحمر
وهنا النتيجه
ودي الكميه علي بعضها حفظتها في علبه من عندي
وبس كده ياقمرات وبجد طعمه جميل جداااا اتمني تجربوا وماتنسوش تدعولي
يارب موضوعي النهارده يكون عجبكم ومستنيه ردودكم الحلوه والتقييم لو الموضوع يستاهل
وفي مواضيع كتير في توقيعي ان شاء الله تعجبكم
مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه