السلام عليكم ورحمة الله وبركاتة
يا جماعة من فضلكم حد يفيدني
انا كنت حامل في الاسبوع السابع والحمل دا من اوله كان كله مشاكل والدكتور قاللي الاول احتمال يكون كيس فاضي او طفل مشوه وقلقني المهم محصلش نصيب والدكتور قال هنزله بالادوية علشان النبض ضعيف اوي وموش بيكبر 2سم زي ما هو من المرة اللي فاتت واخدت فعلا الدواء امبارح والحمد لله الدم نزل بعد 4 ساعات من اول جرعة من الدواء
وطبعا جالي الاعراض الجانبية كلها بتاعت الدواء رعشة وحرارتي بقت 37 ونص واسهال وصداع ومغص بس مغص محتمل لاني والدة قبل كدة مرتين طبيعي الحمد لله
الاسئلة بقى :
1- هل الاجهاض في الشهر التاني يعتبر استحاضة يعني اصلي عادي ولا حرام ؟؟
2- اعراض الحمل بتختفي امتى ؟؟ لاني لسة بحس بدوخة وترجيع وصداع
3- الدم اللي نازل عبارة عن دم نفس شكل البيريود مع كتل صغيرة دم متجلط ولسة ما نزلش كيس هل هينزل حاجة كبيرة مثلا يعني قطعة كبيرة ولا كله دم متجلط بس ودم شبه البيريود ؟؟؟
4- دا تاني يوم ليا في الاجهاض وخايفة يكون البيبي ما نزلش … مع العلم ان الدم قل خالص كأنه تاني او ثالث يوم بيربود ؟؟
الله يخليكوا اللي تعرف تجاوبني ربنا يباركلكوا يارب ويرزق كل مشتاقة بالذرية الصالحة
tottos tottos images/avatars/yellowflower.jpg فتكات رائعة Fatakat 162368 القاهرة – مصر