السلام عليكم ورحمة الله وبركاته
انا متزوجه من سنة وكان ظهرلي تكيسات كانت مأثرة على الحمل رغم ان البويضه كانت حجمها طبيعي
وبعد 9 اشهر من المتابعه ظهر ورم ليفي على جدار الرحم من الخارج وبعدها بشهر حصل حمل سبحان الله رغم التكيسات والورم وفي بدايه الشهر الثالث مات الطفل في رحمي وعملت عمليه كحت
وبقالي حاليا تقريبا ثلاث اسابيع وبحس بألم في رحمي واسفل ظهري رغم اني رحت للدكتور من يومين وقاللي ان الرحم نظيف تماما
ياريت تقولولي هل الالم ده عادي
وكمان انا بقيت في حاله نفسيه سيئه جدا بنام متقطع وببكي وانا نايمه وسعات بحس اني عايزة استخبى من كل الدنيا بدخل اقعد جوه الدولاب ومع الاسف زوجي مشغوووووووووووووووووول جدا وبيسافر للعمل وبحاول اخرج من الحاله دي بالصلاة والقرآن لكن برضو مش عارفه انام باستقرار ومش عارفه اكل ولا ابطل بكاء كل شويه افيدوني افادكم الله ولا تنسوني في دعائكم
جنة القلب جنة القلب 31537_1.gif فتكات متميزة Fatakat 31537 القاهرة – مصر
سبحان الله و بحمده