السلام عليكم يا بنات يا حلوين
انا ديما بدخل القسم ده بس ولا مرة شاركت بحاجة فيه….
فالنهاردة عملت منسف بالفرخ والخضار على الطريقة اللبنانية وصورتو وقلت لازم انزلو عشان تعملو لأنه لذيذ اوي وسهل جدا
وبالطريقة اللبنانية….عشان كده اسمه منسف مش كبسة سعودي يختلف الموضوع….
واهو شكله النهائي….
ندخل بقة في التفاصيل والمقادير
-فرخة مقطعة
-3 حبات بصل كبار
-3 حبات طماطم كبار
-3 حبات بطاطس كبار
-علبة بسلة مسلوقة
-بهارت متنوعة: فلفل- بابريكا-جنزبيل مطحون-بهار ابيض-كبش قرنفل..كركم
-2 مكعب مرق الجاج ماجي
-كيلو رز اميركي
– 3 ملاعق كبار زيت او سمنة
دي ببساطة اوي المقادير….
نملح الفراخ بعد ما نغسلها وننضفها ونحطها على جنب
بعد كده نقطع البطاطس مكعبات صغيرة وبردو الطماطم والبصل ونصفي البسلة ونحطهم على جنب…
بعد كده في حلة كبيرة مقلي الفراخ كويس اوي
بعدين نضيف عليهم مية والبهارات كلهم والبصل المقطع صغير وكبش القرنفل وعودين قرفة ونسيبهم يغلو على النار ربع ساعة
بعدين بقة نشيل الفراخ المقطعة من الحلة ونحطهم على جنب عشان عاوزين نفسخهم نقطعهم يعني مش حنسيبهم قطع كده بعضمهم….وبعد ما نشيلهم تحط مكانهم الخضار كلها الا الرز….نحط بس البطاطاس والطماطم والبسلة….ونسيبهم يغلو على النار…
بعد ما نفسخ الفراخ نضيفها بقة على الخضار ونسيبهم يغلو مع بعض شوية
وده بعد ما فسخنا الفراخ نضيفهم للخضار
وبعدين بقة نضيف الرز الي غسلنا وصفيناه…
المهم تكون المية تقريبا بتاعت الفراخ اعلى ب 2 سم من معدل الرز…ولو عاوزة تتأكدي جيبي معلقة خشب لو وقفت في النص معناه المية مناسبة للرز لو وقعت معناها المية كتير خفيفيها…
وبكده نوطي النار….تقريبا نص ساعة المنسف يجهز….
واهو بعد ما خلص طعم جنان….بجد بنصحكم فيه….سهل ولذيذ اوي ممكن تقدمي مع سلطة
الف صحتين ما تنسو التقييم
مواضيع هذا القسم برعاية
وردة لبنان وردة لبنان 20885_4.gif سوبر فتكات Fatakat 20885 طرابلس – لبنان