السلام عليكم
انا الحمد لله من تانى شهر جواز حملت على طول ودى اكبر نعمه من ربنا خاصه ان جوزى ولد وحيد على تلات بنات ومامته وباباه نفسهم موووووووووووووت اجيب ولد
اولا حلمت 3 مرات انى ولدت ولد وجوزى جلم مره انه شايل ابننا كان ولد وحماتى حلمت مره انى جبت ولد ومرات اخويا حلمتلى انى ولدت ولد وكله كان فرحان بيه
اناطول حملى ماباكلش سكريات خالص كل يوم اصحى اقلى بتنجان واعمله دقه واديها تمام ومخللات لحد ماجالى املاح جامده خالص
شويه اكون رايقه ومبسوطه وشويه مزاجى يتقلب خالص واكون نفسى اعيط ومش عارفه ده من ايه
انا حسيت بالحركه اخر اسبوع في الرابع ودلوقتى دخلت السادس والحركه زادت كتير
كل مره اسال الدكتوره تقولى مش عارفه اشوف مش متاكده وبعدين النهارده اول يوم ليا في السادس روحتلها قولتلها مش معقول دخلت السادس ومعرفتش النوع ايه قالتلى اللى انا شايفاه 70 % بنت بس اانا ممكن اقولك بنت ويطلع في الاخر ولد
انا محتاره من كلامها خصوصا انها مش قالتلى كلمه من الاول
اخوات جوزى الاتنين واحده في التامن وواحده في اخر السادس سابقانى بتلات اسابيع والاتنين بنات وكله عنده امل انى اجيب ولد
نفسى بقى انزل واشترى لبس البيبى بس مش عارفه اشترى على اساس ايه
عندى امل كبيييييييييييييييير في ربنا انى اولد ولد
علشان خاطر جوزى وحيد ومامته وباباه طيبيبن اووووووووووووووى وبحبهم خاااااالص ونفسى بجد افرحهم
شمس بتنور شمس بتنور 217401_3.gif فتكات متميزة Fatakat 217401 الشرقيه – مصر/ محافظه الشرقيه