ملف شامل لكل مستلزمات العروسة (تجميع لكل اللي شفته او اشتريته)

بسم الله الرحمن الرحيم

انا عاملة الموضوع ده مخصوص عشان اي عروسة او اي بنت بدات تجهز ومش عارفه تبدأ منين ومش عارفة تجيب ايه
عشان انا كنت كده في الاول وطبعا اللي انقذني قسم مستلزمات العروسة استفدت منه كتير جدا بس طبعا دورت علي كل المواضيع الخاصة بتجهيزات العروسة اللي الفتوكات القمرات عملوها هنا وكلها استفدت منها
وجمعت منها كل اللي محتاجاه عشان كده انا عاملة الموضوع ده مخصوص لكل عروسة مش عايزة تحتار
انا هنا جمعتلك كل المواضيع في موضوع واحد شامل كل تجهيزات العروسة وكل حاجه شفتها او اشتريتها يعني الموضوع ده باختصار شامل كل المواضيع زائد اضافاتي والحاجات اللي شاتريتها
مفيش حاجه مش هتلاقيها موجوده باذن الله

نقول بسم الله ونبتدي

ملحوظة هامة : طبعا الحاجات اللي هكتبها دي مش لازم كلها تتجاب انا كاتبه كل حاجه وكل واحدة علي حسب امكانياتها واحتياجاتها يعني الغرض من الموضوع لم كل حاجه وكل واحد يجيب اللي عايزه ده مش فرض علي كل الناس
كل واحد هياخد من الموضوع اللي يفيده

اول حاجه هبتدي بيها وهنقسم مكوناته

المطبخ
1- الحلل

طقم تيفال (يفضل يكون زهران) – طقم ستانلس ستيل (يفضل يكون زهران وبيقولو التركي كويس برضو) – طقم حلل صاج (وده بيكون كويس اوي في سلق اللحمة والفراخ والمكرونة) – طقم المونيوم(مش بحبه ومش بنصح بيه عشان مضر صحيا)
حلة الضغط ( تفضل تيفال كليبسو من زهران)
حلة المكرونة (بيكون فيها مكان تصفي منه المايه بتاعت المكرونة)
حلة بخار (بتاعت الكسكسى )

2-الاطباق

طقم بايركس – طقم اركوبال – طقم عشا ( اي واحد منهم يكفي )
طقم اطباق سمك
طقم رحلات ( بيكون اطباق وشوك ومعالق وسكاكين وكوبايات بلاستيك وبيتلفو في علبة ده بيكون للرحلات)

3- الصواني

صواني تقديم – صنية عشا كبيرة
قوارب بايركس للفرن – قوارب تيفال للفرن
صواني بيتزا -قوارب للكيك – صواني كب كيك(في نوع كويس اوي للبيتزا والكيك والحاجات دي اسمه برستيج هو غالي شوية بس تحفة في الاستخدام)

الكيتشن ماشين

يفضل يكون براون او مولينكس
والاحسن تجيبي كل حاجه لوحدها يعني المضرب لوحده والكبة لوحدها والخلاط لوحده وكده
عشان لو موتور الكيتشن باظ ميوقفلكيش كل حاجه

4- كاسات للمطبخ للتقديم
5- اكواب مياه
6- اكواب شاي
7- طقم قهوة
8- طقم شاي
9- طقم خشاف
10- كاسات للايس الكريم والجيلي
11- طقم شربات
12- طقم توابل
13- طقم توزيع تيفال (ده بيستخدم للتيفال عشان ميتجرحش )- طقم توزيع ستانلس – طقم توزيع خشب
14- طقم علب بلاستيك للثلاجة
15- طقم معالق للاستخدام
16- شنطة سكاكين
17- مجات زجاج وملونة ومجات شوربة
18- طقم حفظ الطعام
19- ترمس شاي
20- ميزان للمطبخ
21- كولمان
22- بويلر
23- طقم كنك
24- براد
25- قلايات احجام مختلفة (يفضل تيفال عشان ميلزقش )

نيجي بقا للرفايع الصغيرة اللي بنحتاجها في المطبخ

– قطاعة خشب وبلاستيك
– فتاحة علب
– كسارة مكسرات
– مقصات
– ولاعة
– مناخل
– مبشرة
– ماسك جاتوه وسمك
– عصارة ليمون
– هراسة ثوم
– قطاعة خضروات
– كوب معيار
– برطمانات بلاستيك
– قطاعة شيبسى
– شياطة ارز
– عياشة
– قواعد كوبايات وحاجات سخنة
– قطاعة بيض
– مقص بيتزا
– زجاجات مياه
– طبق مكسرات
– معلقة ايس كريم
– طبق فاكهة
– مدق بوفتيك
– مخرطة
– اسياخ شوي
– دماسة فول
– نشابة
– دوارق
– مضرب سلك
– قمع التورت
– فوارة لبن
– عصارة برتقال
– ملاحات
– جوانتيات سليكون
– جوانتي التقشير
– اسفنج تنظيف ميكرويف
– علب تدخل الميكرويف
– مصافي
– سلك مواعين واسفنج مواعين
– قوالب تلج

البلاستيكات

– فرش بلاط
– زعافات
– مضرب ذباب
– تربو
– جاروف
– مكانس
– منشر
– مشمع غسيل
– مشابك
– اطباق غسيل
– سلات زبالة
– جردل مسح بالشرشوبة
– سبت غسيل
– مساحة
– منفضة
– اغطية طعام
– بخاخة
– كرسى حمام
– صفاية معالق
– دواسات

خزين المطبخ

( وده طبعا اخر حاجة ومش كل حاجه لازم تتجاب طبعا )

1- لحوم ( بقري – عجالي – مفروم – بفتيك )
2- طيور ( فراخ بلدي – فراخ بيضا – بانيه فراخ – وراك فراخ – حمام – بط – رومي )
3- خضار ( طماطم – خيار – فلفل رومي – جزر – بصل – فاصوليا – بطاطس – ملوخية )
4- مكرونة ( فرن – اسباجتي – صغيرة – سوست – شعرية – لازانيا – لسان عصفور – فتوتشيني )
5- ارز ( بسمتي – عادي )
6- زيت ( عباد شمس – ذرة – زيتون – زبدة – سمن فلاحي )
7- توابل ( ملح – فلفل – كمون – كسبرة – مشتكة – حبهان – جوزة الطيب – قرفة – جنزبيل – كركم – كاري – ورق لورا – زعفران – ثوم وبصل بودرة – سماق – توابل فراخ – توابل سمك – توابل لحم – توابل حواوشى – توابل كفتة – بقسماط ناعم – فيجيتار)
8- بقوليات ( فول – لوبيا – فاصوليا بيضا – عدس – حمص – ترمس )
9- مشروبات ( شاي – قهوة – كركديه – ينسون – نعناع – سحلب – حلبة – عصائر – نسكافيه – شربات – كاكاو )
10- جبن (رومي – فلامنك – شيدر – موتزاريلا – مثلثات – كيري – بيضا – حادقة – لانشون – بسطرمة )
11- لبن سائل – لبن بودرة – لبن رايب- زبادي – قشطة – لبن مكثف – كريمة لباني
12- صلصة – كاتشب – مستردة – صوص باربكيو – مرقة دجاج ولحم – طحينة
13- بيكنج بودر- فانيليا – خميرة بيرة – خميرة فورية
14 جيلي – جيلاتين – كريم كراميل – كسترد – شكولاتة خام
15 – مربي – حلاوة – شكولاتة نوتيلا – عسل اسود – عسل نحل
16- مخللات – بيض
17- منظفات(صابون – ديتول – مسحوق عادي – مسحوق اوتوماتيك – كلور – كلوركس – داوني – منظف سجاد – معطر جو – ملمع خشب – ملمع زجاج – فنيك – مطهر )

تابعوني مع النيش

اللي مش هتقيم هزعل منه و مش هكمل )))
ومتنسوش دعوة كويسة ان ربنا يكملي علي خير

nodda nodda فتكات رائعة Fatakat 405106 المنصورة – مصر

سبحان الله و بحمده