مكس جريل مغطى بالعجينة
ريش ضانى – كبدة بتلو – فيلية بقرى – صدور فراخ – اصابع كفتة
فلفل رومى قطع صغيرة – فلفل حامى قطع صغيرة – بصل قطع صغيرة
طماطم قطع صغيرة – 2 بصلة مبشورة – طماطماية مبشورة – عجينة
العجينة : 200 ج دقيق – معلقة ملح – ماء)
الطريقة
العجينة: نضع الملح على الدقيق ونعجن بالماء لحد ماتتكون عجينة
نضع فى المصفاة او الخلاط
البصل المبشور مع الطماطم المبشورة وشوية زيت وملح وفلفل وشوية خل
وشوية زعتر وشوية قرفة صغيرين وشوية عصير ليمون ونضربهم كلهم مع بعض
وبعدين نصفيها وناخد الماء بتاعها بس ونتبل اللحوم اللى عندى بالماء دة
نضع فى مقلاية شوية زيت ونرصص فيها اللحمة كلها( او نشويها على الفحم)
ونشوح اللحوم لحد ماتتشوح بس ويتغير لونها
ملحوظة: سوى الكبدة فى مقلاية لوحدها لانها بتستوى اسرع من اللحوم
ملحوظة: بالنسبة للكفتة نضع على اللحمة المفرومة ملح وفلفل وتفل بصل فقط
ونعجنها ونعملها صوابع ونحمرها مع باقى اللحوم عادى
بعد كدة نضع الكبدة مع باقى اللحوم بعد مايكون كله اتشوح
نضع فى نفس المقلاية اللى شوحنا فيها الكبدة الفلفل والطماطم والبصل والملح
والفلفل والكمون والزعتر ونقلبهم تقليبة واحدة وبعدين نضعهم على اللحوم كلها
ونضعهم فى الصينية ونضع على الوش قرون فلفل حامية سليمة زى ماهى وشوية
صلصة مش كتير ونغطى الصينية بالعجينة وندهن وش العجينة بالبيض المربوب
ونرش سمسم وحبة البركة وندخلها الفرن لحد ما العجينة تستوى
وبالهنا والشفا
ملحوظة ندهن الرخامة بشوية زيت ونفرد العجينة بالنشابة راقة خفيفة ونضعها على وش الصينية مواضيع هذا القسم برعاية
كاريمات 2024 كاريمات 2024 86136_3.gif سوبر فتكات Fatakat 86136 القاهره – القاهره