فتوكاتى حبايبى بصو بأه المكرونه ديه بشهاده عيلتى وزوجى احلى طعم مكرونه ممكن تكلوها وطبعا زى مبستفاد منكم قلت افيدكم ولو بحاجه بسيطه ولو جربتوها اوى هتعجبكم باذن الله
المقادير:
نص كيلو مكرونه اقلام
كيلو طماطم معصوره
ربع كيلو لحم مفروم
بصله مقطعه
فلفل اسود_ رشه روزمارى _ رشه زعتر_ ملح
تمن كيلو جبنه رومى
مقادير البشاميل: كيلو لبن _ 3ملعقه سمن _ ملعقه زيت_ 4 معالق دقيق _ مكعب مرق دجاج_ صفار بيضه
الطريقه:
اولا البشاميل
هنسيح السمن على نار
بعدين احط الدقيق
هنحط المرقه وكل ده على نار هاديه خدى بالك
بعدين تحطى اللبن وتقلبى بسرعه
لغايت لما تحسى ان قوامه باه بشاميل تقل يعنى
زى كده
خلصنا البشاميل سيبه على جنب وتعالى نعمل باه الباقى
هتجيبى حله تحطى فيها ماء وتسيبها تغلى اول ما تغلى تحطى فيها المكرونه وحبه زيت عشان تفرفر معاكى ومتلصقش وتظبطى الملح
لما تستوى تصفيها ومتبرديش عليها
هتحطى معلقتين من البشاميل فى صنيه
بعدين تحطى نص مقدار المكرونه
بعدين تحطى الصلصه بلحمه المفرومه
وهى كالاتى تحطى سمنه فى الحله تحطى عليها بصله مقطعه اول ماتصفر تحطى اللحم المفروم هنا كنت معصجاه من بدرى
ومعلقه فلفل اسود وملح ورشه روزمارى ورشه
زعتر اول ما اللحم يتعصج
تحطى باه الطماطم المعصوره عليها اللحمه المعصجه ورشه فلفل وملح وسيبها تتسبك
وتحطيها على المكرونه
وتحطى باقى المكرونه فوقها وتحاولى تخلى اخر طابق من المكرونه احمر من الصلصه
وتضعى البشاميل
وبصفار بيضه مرشوش عليها ملح وفلفل تدهنى بيها البشاميل
ليعطى معاكى ريحه وطعم خيالى ضعى جبنه رومى مبشوره فوق البشاميل
وبعدين ولعى الفرن على 200 وسيبها حوالى ساعه ونص تقريب
ودى النتيجه اممممم
اتمنى تجربوها يااخواتى
لو عجبتكم قيمو عشان غيرك يستفاد
مواضيع هذا القسم برعاية
الدلوعه ريم الدلوعه ريم 270605_46.gif فتكات غالية قوي Fatakat 270605 القاهره – فى حسن الظن بالله