انهاردة عملت اكلة بجد مكنتش متصورة انها هتطلع تحفة بجد
المهم انا صديقتي شيكولاتة فتكات كانت بتكلمني انهاردة علي الأكل وهي دلتني عليها لكن هي مكنتش عارفة اسمها عشان صحبتها بتحبها وبنتها بتحبها وقعدت ابحث علي النت
وفين يا مشمشة لحد ما عترت فيهال الحمد لله
المهم طريقة العمل
وواحدة واحدة يا ملواني عليا
اولا
نجيب المكرونة ونسلقها
طبعا هي لها مكرونة مخصوص بس حسيت انها مش هتنفع معايا في البيت وولاد مش هياكلوها وكمان مفيش بيني وبين هذا النوع اي علاقات دولية..عشان كده اي امورة هتعمل اكلة لازم تاخد باله من اولادها
بنسلق المكرونة وبضيف لها اثناء السلق ملح وزيت دي صورتها بعد السلق
وفي هذه الأثناء بعمل كنت بعمل صوص الفوتوتشيني
هنبدأ الخطوة الأولي
نخرط بصلة وفص واحد توم وجزء من قرن شطة اخضر او فلفلة خضرا بس حاجة بسيطة مش كتير..شايفين الصورة
وبعدين نقطع صدر الفراخ مكعبات (المفترض اننا نقططعها خرط طويلة بس انا لاقيت المكعبات افضل واشيك..دي زوقيات طبعا)
وبعدين ضيفت المشروم بعد ما قطعته اجزاء وبعدين ضيفت البهارات والملح وشوية سكر بسيط علي طرف المعلقة
وبعدين ضيفت الكريمة لباني
(طريقة عمل الكريمة لباني في البيت….(1 كوب زبادي + 1 كوب لبن + امعلقة دقيق او نشا ونضربهم كويس جدا ونخلطهم كويس)
وبعدين نقلبهم كويس جدا زي ما انتم شايفيين الصورة اللي جاية
وبعدين ام يجي جوزك واولادك تسخني الخلطة اللي فاتت بحيث تغلي وتضيفيها علي المكرونة والجبنة الموتزريلا زي الصورة اللي تحت
ودي الشكل النهائي
اذلال بقي اصل بصراحة طلعت تحفة وبجد طعمها يجنن
انا شيلت جزء قبل ما اضيف الكريمة عليها عشان ازينها به وممكن تزينها بالشبت او الريحان
بجد يا بنات انا تعبت علي ما صورت ونزلت الموضوع
ربنا يبارك فيكم التقييم والإ هكهربكم
بحبكم في الله
مشمشة فتكات
مواضيع هذا القسم برعاية
مشمشة فتكات مشمشة فتكات images/bigsmilies/mood4.gif فتكات ست الكل Fatakat 96140 الدوحة – قطر