بسم الله الرحمن الرحيم
انا هتكلم عن المفروشات لانى بحبها جدا و دى الحاجة اللى جبتها فى جهازى و لفيت كتير اوى علشان اجيب الحاجة الحلوة و اللى سعرها حلو
اول حاجة بنصح بيها اى عروسة لما تنزل تجيب مفروشتها تكون محددة حاجتين
1-هتشترى مودرن و لا كلاسيك
2-تكتبى اللى انتى عوزاه بالظبط على قد ميزانيك علشان متلاقيش فلوسك خلصت و لسة فاضلك حاجات كتير
انا حددت قبل منزل انى هجيب
2 بطانية (واحدة غالية و واحدة وسط)
3 كوفرتة (واحدة قطن و واحدة رخيصة و واحدة من اللى طالعين جديد شبه المفرش)
2 لحاف
مفرش السفرة هسيبه للاخر لما احدد شكل العفش
البرانص
الملايات
الفوط
مفرش العروسة
هتكلم عن حاجة حاجة اول حاجة
البطاطين
جبت واحدة مورا اسبانى اصلى و التانية مورانو اسبانى تقفيل مصرى و الاتنين جبتهم سادة انا محبش الاشكال
المورانو ب 230 و المورا ب 660
الكوفرتات
جبت واحدة السروجى تعتبر احسن خامة فى السوق بالنسبة للقطن كانت ب 300 و فى منها اغلى بس شغله كتير و انا مبحبش الحجات المشغولة
التانية جبتها وش قطن و وش جلد ب 300 او 350
التالتة هجيبها لسة ان شاء الله من النوع الجديد او من النوع الرخيص عل حسب الفلوس
اللحاف
اكتر حاجة منتشرة فى السوق الفوربد و فى نوع تانى اسمه الحرية بيقولوا حلو اوى بردو بس شغله عامل زى الملايات البوستر فانا محبتهوش خالص و فى نوع تالت اسمه كالرز حلو اوى بردو بس معرفش بيتباع فين
مفرش السفرة
فى منه المودرن و الكلاسيك
المودرن اللى هو الرانر الكلاسيك يا اما الهند او السورى
البرانص
انا جبتهم كل واحد لوحده و جبتلهم بشاكير لايقة عليهم
و لو عاوزة علبة يبقى التركى مش السورى
الملايات
انا فصلتها كلها و كلها مودرن عمتها عملت كل ملاية بالماتشنج بتاعها و طلعوا تحفة
لو عاوزة كلاسيك هاتى المطرز و فى نوع حلو اوى اسمه مطرزات خليجية
اهم حاجة بقى انك تتاكدى ان الملاية كبيرة و تكفى السرير لان اختى كل ملايتهامجوش مقاس سريرها ماعدا 3 ملايات بس و كمان تتاكدى انها قطن نضيف و امسكى الحاجة بايدك و لو قالك مش هفتحها متخديهاش
دى ملايات من اللى فصلتها
الفوط
انا عملت نظام الفوطة الكبيرة لازم تمشى مع الفوطة الصغيرة ازاى؟
يعنى مثلا هحط فوطة بيج فى ابيض هحط الصغيرين ابيض و بيج ملفوفين فى سبت او طبق شيك للديكور كدا يعنى
فى فوط فى السوق تركى حلوة اوى بس امسكى الفوطة و اتاكدى من قطنها
و فى الفردانى كل فوطة لوحدها تمشيها مع فوط تانية انا بقى عملت ايه
اول حاجة رحت الغورية جبت فوط اسمها الحسن و الحسين وش قطيفة و وش قطن نوعها عادى وسط يعنى لكن شكلها رقيق
اللى هى دى مع اختلاف الالوان
و جبت فوط تركى كل اتنين شبه بعض
و رحت عند محل اسمه حتحوت فى اشكال تجنن جبت منها لانها مش موجودة الا عنده
و جبت من كارفور بردو اشكال تجنن
و البشاكير جبتها من الموسكى تحفة و كبار جدا و سعرهم تحفتين و وفقت ما بين كل دا اطقم
مفرش العروسة هجيبه تركى علشان يبقى مفيهوش شغل لانى بكر التطريز و الكرانيش جداااااااااااا
ملحوظات بقى لكل العرايس
اول حاجة لفى كويس اوى قبل متشترى و متكسليش دى حاجة جهازك هتفرحى بيها فرحة رهيبة و انتى بتجبيها تهون عليكى تعبك
تانى حاجة اللى يعجبك لو معكيش فلويسه و ناوية تانى يوم او بعدها باسبوع او اسبوعين مثلا تشتريه خدى من صاحب المحل كارت و اكتبى فى ضهره الى كنى عوزاه و سعره اول حاجة علشان لو شفتيه تانى تقارنى الاسعار و التانية علشان متنسيش انا بعمل كدا لانى نساية جدااااااا
التالتة متاخديش فلوس كتير فى النزولة علشان مش كل حاجة عينك تروح عليها تشتريها تشترى المهم الاول
الرابعة انك تجيبى جهازك لايق على بعضه و رقيق و اهم حاجة يكون شيك و مختلف عن الطبيعى و تبقى مقتعة بيه تماما
انا كدا خلصت الللى عاوز اسماء محلات رخيصة يسالنى و اللى عاوزة تفصل ملايات هقولها الطريقة و المحت الكويسة اوى و الاسعار
ادعولى بقى بالهداية و بالرزق ليا انا و خطيبى و يجمعنا فى الحلال يارب
r&m2016 r&m2016 829111_1.gif فتكات هايلة Fatakat 829111 الجيزة – مصر