مساء الخير على أحلى فتوكات وأحلى مدونة اللي كلنا بنستفيد منه كتييير
انهارده اول موضوع ليا في فتكات بعد سنين كتير هوريكم انهارده حاجه من تجاربي في خطيبي <3 … انا انهارده مصورتش خطوات علشان بصراحه مكنش في بالي انزل قولت اخد رايكم…. رغيت كتير يلا نبدأ.. انا عملت فطاير وكونو وبيتزا عباد او دوار الشمس ^_^
المقادير:
كيلو دقيق
كيس خميره
معلقة سكر
بيضه ودي مهمه لانها بتنفش العجينه حلو اوي
كيس حليب بودره برضه بيدي نتيجه هايله وطعم وفايده كمان
ربع كوب زيت
ماء دافي ع حسب الدقيق
رشة ملح طبعا ومهمه متنسوهاش
اللي حابة تضيف اي حاجه في العجينه زي زعتر او كمون او اللي تحبوه زي ماتحبو
الطريقه:
هنخلط كل المكونات الجافه مع بعض ونعمل حفره في النص ننزل فيها البيض والزيت والميا ونعجن كويس جدا عشان تدينا نتيجه حلوة… ونسيبها تخمر من ساعه لساعه ونص..بعدين هنبتدي نشكلها زي مااحنا عايزين ونسيبها 10 دقايق بعدين ندهن وشها ببيضه معاها رشة قهوة او فانليا وندخلها الفرن بس كده..
بالنسبه للحشوات انا عملت بالسبانخ واللحمه المفرومه ومجموعة جبن والعجينه ممكن نعمل منها كيزر او اي حاجه.. عايزه بس اقلكم على فكره عجبتني.. بالنسبه لفطاير الكونو (القرطاس) مش لازم نشتري القمع ممكن احنا نعمل قرطاس من ورق الفويل وقدمتها مع تبوله
مواضيع هذا القسم برعاية
lamees_lolo lamees_lolo 530644_4.gif فتكات نشيطة Fatakat 530644 الرياض – saudi arabia