ازيكم يا احلى فتوكات واحلى صحبة بحبها من قلبى بجد
هقد م لكم
وصفتى اللى أشتركت بيها فى مسابقة فطار العيد
واتمنى انها تعجبكم ان شاء الله وان عجبتكم متحرمونيش من الرد والتقييم
الكستليتة بالمكرونة
1 كيلو كستليتة بتلو
+2 معلقة كبيرة سمنة او زبدة +2 معلقة زيت
1/4 كيلو طماطم يقطع على اربعة+1/4 كيلو طماطم معصورة
1 بصلة مقطعة جوانح+جزرة مقطعة مكعبات
2 معلقة كبيرة جبنة رومى مبشورة +1/2 كيلو مكرونة اسباجتى مسلوقة
3فص توم +ملح+ فلفل+2 معلقة بقدونس مفروم
ننضف اللحمة ونغسلها كويس
ونتبلها بالبصل المبشور والتوم الناعم وملح وفلفل وعصير ليمونة
وواحدة طماطم صغيرة مبشورة
ونسيبها ع الاقل 5او 6 ساعات فى التلاجة
دى وهيا فى التتبيلة
نحط الزيت ع النار فى طاسة لحد مايسخن كويس جدا
ونشوح اللحمة فى الزيت من الجانبين لحد ما يحمر
وبعدين نحطها فى الصينية وندخلها الفرن لحد ما تستوى نص سوا
وبعدين نخرجها ونحط عليها الخضروات المقطعة وعصير كوباية طماطم
ونظبط الملح والفلفل ونخلى بالنا علشان احنا متبلنها قبل كدة
وندخلها مرة تانية فى الفرن لحد ماتستوى ولو احتاجت شوية مية ممكن نحطلها بس تكون مغلية علشان اللحمة ما تجلدش
بعد كدة نكون مجهزين المكرونة الاسباجتى بالصلصة
نحط المكرونة فى طبق التقديم ونرص جمبها قطع الكستليتة السخنة فى جمب
ونرش المكرونة بالجبنة الرومى المبشورة
ونزينها بقطع الطماطم او زى ما نحب
ونحط جمبها كمية من الخضار بتاعنا
وقدمت كمان معاها
المنديل باللحمة المفرومة +محشى الكرنب باللحمة المفرومة وكان طعم وجميل جدا جدا
المشاركة الجاية طريقة عمل المنديل او(الطرب بالحمة المفرومة+الكرنب بالحمة المفرومة)
انتظرووووووووووووونى مواضيع هذا القسم برعاية
**شهد كلمات الرحمن** **شهد كلمات الرحمن** 175060_38.gif فتكات غالية قوي Fatakat 175060 العاشر – القاهرة