النهارده عملت عشوة شعبى ليا انا وجوزى ومريومه
الاكل الشعبى جميل وبيشبع جدا ويزود الوزن جدا جدا هههههههه
المهم
عملت
بطاطس محمره
باذنجان مخلل
قرنبيط مقلى
شوربة عدس بالبصل
وطماطم وخيار شرايح
وعيش طبعا
المهم أول حاجه القرنبيط
نمسك القرنبيطه ونقطع الوردات بتاعتها ونحطها فى ميه بمعلقة ملح ومعلقة كمون
ونسيبها على النار تتسلق بتاخد حوالى ربع ساعه
وبعدين ابتدى اعمل الخلطه اللى هتتقلى فيها
الاول 7 معالق دقيق
نخلطهم فى 3 معالق ونص ميه ده مقدار مظبوط يخلى العجينه كده
وبعدين بيضتين لكل ربع كيلوا قرنبيط تقريبا
نضرب البض بالدقيق ونزود عليهم توم مفروم وملح وفلفل وخمس معالق بقدونس مفروم
وبعدين الباقى معروف هنغمس القرنبيطه فى الخلطه بعد ما تتسلق وعلى الطاسه اللى الزيت بيغلى فيها
وعلى طبق التقديم المهم بقى لما تطلعى القرنبيط من الميه اللى بتغلى حطيه فى ميه بارده علشان سواه يقف
البطاطس سهله جدا
هنقشرها ونغسلها ونقطعها صوابعونسيبها فى ميه بملح ونحمرها فى الزيت وبس
تالت حاجه شوربة العدس بالبصل
هنجيب 125 جرام عدس أصفر وبصلايه مخرطه وفصين توم بالعدد وطماطمايه وبس
نحطهم مع نص لتر ميه على النار وبعد ما تستوى نضربها بالخلاط وبعدين معلقتين زيت فى حله معاهم بصلايه متخرطه وخلاص كده نحمره ونحط عليها العدس المضروب فى الخلاط وملح وفلفل
والبازنجان المقلى
انا وجوزى بنحب البازنجان الرومى جدا ومش بنحب الابيض نهائى فبجيب بزنجان صغير وأقعه شرايح طوليه علشان ما يشربش زيت كتير وانقعه فى ميه وبعد ساعه أحمره وأحطلة دقه
عباره عن فصين توم وشطه حمرا وفص ليمون ومعلقتين خل
مواضيع هذا القسم برعاية
ملكة بلاد العجائب ملكة بلاد العجائب 984637_5.gif فتكات رائعة Fatakat 984637 اوز – بلاد العجائب