السلام عليكم ورحمه الله وبركاته
دى الاكلات الى شاركت فيها فى مسابقه
سفرتى لاسرتى لقسم المقبلات و المعجنات
والحقيقه انا حصل عندى سوء فهم لانى كنت فاهمه ان المفروض اكلتين بس ولازم يكونوا معجنات وحاجه حلوه او سلطه
بس بجد انا مبسوطه قوووى بالمشاركه
وباذن الله اكررها قريبا
وده كان المنيو بتاعى :
جلاش البيتزا
ومكرونه بالفراخ بالجبنه
وكيكه الشيكولاته بالكريمه
اول حاجه : جلاش البيتزا
المكونات : جلاش – وفلفل الوان مقطع – جبنه موتزرلا ورومى وشيدر – كاتشب – سمنه – لحمه مفرومه معصجه
اول حاجه نعصج اللحمه
نحط البصل على النار يتشوح فى شويه زيت
ولما تدبل البصل نحط اللحمه ونقلب
ونحط ملح وفلفل اسود وصويا صوص ومعلقه كاتشب كبيره وبهارات لحمه
وهنا اللحمه بقت جاهزه والحمد لله
نقطع الفلفل شرايح
نبشر كل الجبن ونحطهم على بعض
وبعد كده نجيب صنيه وندهنها بالسمن
وحطيت هنا 3 ورقات جلاش وبعد كده دهنتهم بالسمنه وبعد كده معلقه كاتشب كبيره عليها
زى الشكل كده
وبعد كده نحط طبقه من الفلفل والمفروض كمان زتون بس الحقيقه مكنش عندى
وبعد كده ورقيتن جلاش وحطيت اللحمه المره دى على طول
لان اللحمه هتنزل الدهون الى فيها فمفيش داعى للسمنه وكمان انا حاطه على اللحمه كاتشب مفيش داعى منه برضه
فى الطبقه دى بس
وبعد كده بقى ورقتيت تانى جلاش ونحط عليهم سمنه وكاتشب والجبنه
ونكمل باقى الورق اتفضل 3 ورقات بس هما الى على الوش
ونقطع الصنيه مربعات
ونحضر بقى بيضه وكوبايه كبيره لبن وملح وفلفل ونضربهم كويس
بس ونحطهم على الصنيه وندخلها الفرن
وهنا بقى لما طلعت وقطعتها
تانى طبق : المكرونه بالفراخ بالجبنه
المكونات : بصل – فراخ مكعبات او شرايح – مكرونه مسلوقه – معلقه كبيره صلصه – طماطم مبشوره – جبنه انواع
اول حاجه نحط شويه زيت فى الطاسه ونحط البصل لحد ما يدبل
وبعد كده حطيت الفراخ لحد ما اتغير لونها ومعاها الملح والفلفل الاسود ومعلقه هريسه شطه
وبعد كده ضفت الطماطم المبشوره
وبعد كده معلقه الصلصه ونقلب كويس ونحط معلقه صغيره سكر وده ضرورى عشان الصلصه مش يبقى طعمها وحش
ومعلقه كاتشب كمان
وحطيت الفلفل الالوان ولو بتحبى الحامى ممكن فلفل حار
محطتش هنا عشان بنتى وكفايه معلقه الهريسه
وهى فى العاده لازم تبقى الصلصه زياده شويه عشان لسه هنزود المكرونه
وهنا حطيت الاتنين على بعض
فى طاجن وبتبقى احلى فى الطواجن الفخار
وعلى الوش حطيت الجبنه
ويادوب 10دقايق فى الفرن ونشغل الشوايه بس لحد ماتسيح الجبنه وتاخد اللون
يتبــــــــــــــــــــــع
واتمنى يعجبكم
ومتنسوش التقييييييم
مواضيع هذا القسم برعاية
ام رودى العسل ام رودى العسل 258244_26.gif ملكة فتكات Fatakat 258244 مدينه الحب – مصر ام الدنيا