السلام عليكم ورحمة الله وبركاته
بصو بقا انا جمعتلكم كل مستلزمات المواليد واهمية كل حاجة بالتفصيل الدقيق والصور الكتير
انا ان شاء الله هولد في شهر 2 علي 20 او 25 فده اخر الشتا
هقولكم الي هتولد زي حلاتي تجيب ايه والي هتولد في اول الشتا تجيب ايه والي في الصيف
بسم الله نبدا بالملابس الدخلي
الي هتولد اخر الشتا زي حلاتي هتجيب 4 فلنة كت و 6 ثلوبت نص دخلي و 4 اطقم دفايا من 0 لسنة الطقم الدفايا عبار عن بنطلون وبدي بيمط وبيدفي من القطن التخين ومش طقم الكلسون الي هتحتار اوي ومتعرفوش تحيب فلنات كم 5 وتجيب طقم الكلسون العادي والي هتسال عليه وتعرفو تجيب منو 4 و طبعا معاه تلبنطلون هتجيبي 4 بنطلون كمان فرداني من نفس الخامة عشان البابي غالبا البانبرز بيصرب وبيعمل بيبي او كيكي فبيوسخ البنطلون وبتحتاجي تغيري البنطلون بس فمش هتقلعيه وتبرديه لا هتجيبي بناطيل احطياطي زيادة عشان تغيري البنطلون بس
طقم الدفايا بيتباع ب 22 جنية في محلات النجار اسكندرية وكاتكس والبنطلون فرداني نفس الخامة تقريبا ب 4 جنية جيباه مقاس بيبيهات والطقم الدفايا هيكفيكي لحد الشتا الي بعديه
ننزل بالصور فلنات كت
اوعي تجيبي ثلوبتات او فلنات فيها الكنار ده تخين ومكلكع
طقم الدفايا بس ده صورتو من النت هو كده بس مقاس بيبقا نن 0 لسنة ومن سنة ل 2 كده
تكملة للداخلي البامبرز مقاس زيرو طبعا هتجيبي عبوة مقاس زيرو وعبوة مقاس اكبر نمرة عشان متضمنيش البابي يجي مقلبظ ان شاء الله
انا جبت حاجة بقا للتوفير وكمان لاني مقتنعة ان البابي لازم يريح من البامبرز
دي مشمعات وكوافيل المشمعات من النص مشمع ومن برة قطن ومن جوة شبكة قطن وجواها كوافيل انتي بتشتري المشمع لوحدو والكفولة لوحدها
ميزتو غير التوفير والراحة من البامبرز لو اتزنقتي والبامبرز خلص متطريش تسيبي البامبرز علي البابي فترة يجبلو التهاب لا غيري بده وريحي البابي من البامبرز حتي لحد متشتري انا جبت 4 مشمعات و هجيب 12 مفولة دستة من بتاع الجملة عشان اوفر مش من المحلات
نيجي للشربات
هتجيبي اربع شربات من النوع ده او 3 كفايا لانهم اخرهم شهر بس وهيصغرو علي البابي
وهتجيبي من النوع ده 6 الوان مختلفة عشان دول بيقعدو من اول شهر ونص شهرين لحد 9 شهور تقريبا زلو احتجتي تاني هاتي بقا بس مبدايا 6 كفايا
النوع ده بيبقا كل 2 في كيس هتلاقيه عند الراحل وهالاقي انواع تانية هاتي نفس المقاس بتاع ده لو عجبك اي نوع تاني متجبيش كبير
ده ولادي وبناتي
وده بناتي
الدخلي للي هيولدو في شهر 2 زي حلاتي اواخر الشتا باختصار
4 فلنة كت
6 ثلوبت دخلي نص
4 طقم دفايا ببنطلونتهم
4 بنطلون دفايا فرداني
4 شربات لكلوك مواليد
6 شربات بابيهات عادية ملونة
12 او 6 كوافيل
4 مشمعات
2 بكتت بامبرز صغيرة واحدة مقاس مواليد والتانية المقاس الي بعدو علي طول
الي هيولدو في الصيف مثال شهر 5
6 فلنة كت
6 فلنة نص يفضل ثلوبت ملون عشان لما الجو يحرر يلبسو لوحدو يبقا شكلو كويس
2 طقم كلسون القطن الخفيف العادي الي هو فلنة وبنطلون ابيض
شربات مواليد 4 برضو
شربات بابيهات 6 برضو
مشمعات وبامبرز نفس العدد الي فات
الي هيولدو في اول الشتا
6 فلنة كت
6 ثلوبت نص
4 طقم دفايا
6 بنطلون فرداني دفايا او قطن تقيل
شربات مواليد 4
شربات بابيهات 6
الباقي نفس العدد
في حاجة بفضلها للي هيولدو زي حلاتي او في اول الشتا
عرفين الكولون بتاع البنات في منه اولادي وفي منه بناتي هاتي منو 4 للبيت والخروج يتلبسو تحت الهدوم وتحت الترنجات قطن وبيدفي من الرجل شراب لحد فوق وفي مقسات من 0 ل 6 ومن 6 ل 12 ومن 12 ل 24 ولحد 6 سنين تقريبا
انا جبت منو نص دستة وهجيب دستة تاني لانو هينفعني في الخروج وفي البيت لو الجو سقعة اوي والدستة مقسات مختلفة وادي صورتو
بيتباع الواحد ب 10 جنية في المحلات عادي واختاري الي يناسبك في المقاس
ولو ملقتيش غير اببناتي وانتي هتجيبي ولد مش مهم هتيه لانو هتلبسيه فوقه بنطلون الجينس او الترنج فمش هيبان منو غير الشراب هاتي منو الوان غامقة موف لبني ابيض الوان تمشي ولد وبنت
وفي منو المخطط وفي الساده وفي الاولادي
نكمل المشاركة الي جية الغطيان تابعوني
وقيمو عشان الكل يستفاد ومتنسونيش بدعوة ليا ولبنوتي تكون في احسن حال يارب
دودو دووو دودو دووو 847174_6.gif فتكات رائعة Fatakat 847174 الأسكندرية – مصر