أنا عملت الموضوع دا بعد كثير من البحث و هقولكو على اللى شفتو و اللى تحب نضيف حاجه او معلومه يارييت تتفضل بس ادعولى بقى ربنا يعوضنى خير عشان انا خطوبتى الحمد لله اتفسخت بس بكمل جهازى بردو
دلوقتى هبدأ بحجات
المطبخ
اولا :الحلل
طقم استانلس1810 انا جبت المصانع الحربية عشان احنا بنستخدمه عند ماما و ممتااااز و غير كده سعره كويس يعنى الطقم من المصانع عاامل 950 عبارة عن 5 حلل و لبانه و كسروله و 2 عجانه لكن زهران الحلل بتعته لوحدها بتعمل 1700 جنية و جودتها قلت و مش تقيله زى زمان
طقم صاج افضل حاجه التشيكي او التركى
طقم الومنيوم صغير عشان استخدامه مش كتير عشان مش صحى انا شفت طقم زهران 4 حلل مقاسات 16و18و20و22 فى كارفور ب 220 جنيه
حلة شاورما كبيرة عشان لو هتسلقى بطه او كرنبه يعنى تنفعك فى العزومات هاتيها مقاس 30 او فى 32 بس دل مش موجود كتير
فى ناس بتحب تجيب حلل تيفال بس انا مش بحبه فى الحلل (محبش اطبخ فى حله لونها اسود كدا )
ثانيا:الصوانى
طقم صوانى الومنيوم مدور شفت الدهان 4 صوانى ب 147
طقم صوانى الومنيوم مستطيل شفت الدهان 3 صوانى ب 109
انا بقول الالومنيوم عشان هو افضل فى الصوانى لان الصوانى الاستانلس مش بيكون ليها قاعده من تحت و الاستنلس مش موزع جيد للحرارة فكده الاكل مش هيطلع مظبوط
طقم صوانى بيركس فرنساوى 5 قطع و دا جبته ب 165 جنية بس خلى بالك ان فى نوع ممكن تحطية على البوتاجاز من فوق و فى نوع تانى مينفعش تحطيه فوق بتحطيه فى الفرن علطول
قوالب كيك هاتى 2 كفايه ممكن الومنيوم او تيفال زهران زى ما تحبي
لو تحبي صوانى تيفال ممكن تجيبي صنيتين كفايه
صوانى البسبوسه انا شفت 3 صوانى الومنيوم ب 36 جنيه
صنيه الكب كيك فى مقاس بياخد 6 كب كيك و فى مقاس بياخد 12 كب كيك
ثالثا: المقالى
هاتى مقلتين تيفال كبيرة و غويطه للتحمير و القلى ممكن مقاسات 28 و 30 و هاتى واحده ضغيره تنفع للبيض ممكن مقاس 20 او 22
طبق بيض
هاتى 3 مقاسات الومنيوم عشان انا شفت المقالى الاستنلس حسيت انها مش هتبقى حلوه فى الاستخدام
رابعا :نثريات
طقم كنك استنلس مقاسات 2 3 5 ب 100 جنيه
طقم كنك صاج التركى ب 35 جنيه
فواله
هون نحاس او الومنيوم بلاش الخشب عشان ريحته هتبقى وحشه علطول و غير كده مش مريح فى الاستخدام
2 براد
اورمه بلاستيك للفتكهه و الخضار وواحده خشب للحمه
2 مصفاه بلدى الومنيوم او استنلس بس انا مشفتش انواع كويسه للاستنلس
مصفاه مكرونه اللى برجول مقاس كبير
3 مصافى سلك للعصير
2 مصفاه الومنيوم لعصير الجوافه او ما شابه
طقم علب تلاجه زجاج اللى بيدخل الميكروويف و الفريزر الايطالى ب 32 جنيه
طقم زجاج عادى للجبن
طقم بلاستيك بس يكون مقاساته كبيرة عشان لو تحطى فيه كيك او كده
منخل
عياشه
6 اطباق اسنلس صغيره
اطباق بلاستيك مقاسات متنوعه لغسيل الفاكهه و الخضار (التركى الوانه تحفففه)
طقم مصافى خضار (الزهران ب 10 جنيه الطقم)
2 طقم توابل
3صوانى ميلامين (افضل نوع الشريف)
طقم توزيع خشب عشان التيفال و طقم استانلس بس يكون حته واحدة عشان مينقطمش
طقم خشاف
طفايات
مسن سكاكين
مخرطه الملوخية
صفايه ارز بلاستيك
3 مقاور ومقورة بطاطس
قمع بلاستيك للتورته
مكنه بتيفور
طقم الشيف الخزف (بيبقى شكله شييك اوى)
قطاعه تفاح
قطاعه بطاطس
قطاعه بيض
مبشره
طقم مقصات
مقص السمك
2 فرشاة عجين
نشابه
خامسا :الزجاج
طقم صيني
طقم اركوبال
طقم زجاج (بنى او عسلي او ابيض او لبني)الفرنساوى ب 240 جنيه اما الاندونيسي ب 130 جنيه بس الفرنساوى اشيك بكتير
طقم عشاء 20 قطعه
طقم شاى قيم
طبق فاكهه
شياله كحك
طبق جاتوه
شنطه معالق
طقم صوانى تقديم
طقم كاسات ميه (بتكون تخينه شويه من تحت)
2 طقم كاسات جيلي
2 طقم كاسات متشابه (عشان لو فيه ضيوف عددهم كبير)
كاسات مصنفره ,ملونه ,مدهب ,سيلفر.سادة
طقم خشاف للنيش (مع انى مش مع الفكرة انى اجيب حاجه و اركنها ان شاء الله استخدم كل حاجتى)
طقم شربات للنيش
علبه معالق لاستخدام المطبخ فى الصيني ب 110 جنيه 1810 بس شيييك جدا
شنطه سكاكين او هاتى عدد سكاكين كتير فرط حسب راحتك
6مجات صيني (ممكن تجيبيهم متشابه و ممكن اشكال مختلفه )حسب ذوقك
حامل مجات
طقم كوبايات قهوة
2طقم كوبايات شاى متشابه و 2 مختلفين
2 طقم خشاف عادى و 2 شفشق فرط(عشان العزومات)طقم الخشاف التركى ب 45 ل 55 جنيه و الشفشق الفرط ب 20 جنيه
اطقم كوبايات سادة و كوبايات عصير متنوعه
طقم شوبات
مطبقية
-ماكنة عيش
-ماكنة بقلاوة
-ماكنة لف ورق عنب
-مضرب نسكافيه
-كولمن ميا
-عمود حلل حافظ للاكل
-تورمس للشاي
-ميزان
– -بونبنيرة
-سكرية للتقديم
2برطمان ازاز للمخلل
مدقة بوفتيك بالحامل بتاعها
-منخل استالس للدقيق
هراسة توم = قشارة بلاستيك
-عصارة لمون وبرتقال بلاستيك
فتاحة علب وإزايز
-بولة أيس كريم
ماسك مشويات و مقليات عادي ومقص
قاعدة للاطباق السخنه عالسفرة وفى المطبخ _خشب واستالس
-ملاحة
-دماسة
-صفاية معالق للحوض
-ولاعة بوتجاز
-2قشارة بطاطس وخضار وسمك
قلاية لبيض العيون بتبقي مدورة وتتفتح البيضه جواها
-قطاعة مخلل المشرشرة
طقم اطباق سمك
=========================================
ثانيا :المفروشات
اولا الفوط:
12 فوطة مطبخ
24 فوطه نوعى بين النص بشكير و الوسط و الضغير و كمان نوعى بين القطيفه و البشكير و نوعى فى الالوان عشان يبقى شكل دولابك حلو و امور زيك
12 فوطه تواليت
2 بشكير
2 برنس
منشفة المطبخ البشكير
مريله مطبخ بشكير و هاتى مرايل صغنونه كده شكلها بيبقى دلع و هاتى واحدة بلاستك
12 فوطه فاكهة
12 فوطه سفرة
ثانيا الملايات:
هاتى 12 طقم ملاية نوعى بين المطرز بالساتان و الاورجنرا و الكوريشة و هاتى سادة و هاتى مشجر انا عن نفسي هكمل ان شاء الله 7 مطرز و 5 مشجر
2 بطانية واحده مفرد و واحده دبل(انا عن نفسي ماما جابتلى من السعوديه 2 مفرد)ما علينا
2 لحاف فيبر هاتى واحد غالى عدد قطعه كتير عشان دا بيغنى عن المفرش الشتوى و واحد عادى
2 كبرتايه
مفرش سرير (فى بنات بتجيب 2 )لكن انا شايفه ان واحد كويس
2 مفرش سفرة هاتى واحد سورى وواحد مصري عشان تغيري فيهم
رول مفارش لفرش الدولاب
رول مفارش لفرش المطبخ
مفارش للتسريحة و الكومود
مفرش ترابيزة الانتريه
غطاء لعلبه المناديل
لو عندك اوضة اضافية هاتى 2 اطقم سراير مزدوجة منقوشين
و فى النهايه اكيد كل واحد تجيب حسب ذوقهها و تفكيرها و امكانياتها ..اهم حاجه الامكانيات و الاحتياجات و متحوليش تتاثرى بحاجه غيرك و افرحى بكل حاجه انتى جبتيها و يا رب يفرح كل البنات…اللهم ازرق كل بنات المؤمنين و المسلمين الازواج الصالحين و الذرية الصالحة..اللهم امين
(f)(f)(f)المشاركة دى مش منقوله يا جماعه و بالله عليكم ادعولى بظهر الغيب ان ربنا يرزقنى الزوج الصالح و الذرية الصالحة عاجلا غير اجلا
حنين86 حنين86 فتكات نشيطة Fatakat 337832 المنوفية – مصر