ازيكم يا احلى مامييز ف الدنيا
أسفه كتيييير ع التأخير لكل ال طلبوا منى كتابة التوبيك ده بس والله عبال م فضيت
الاول قبل اى حاجه م ننساش المشتاقين للاطفال ياريت كلنا دلوقتى نفتكرهم و ندعيلهم ان ربنا يرزقهم بأحلى بيبيهات وم يحرمهش من النعمه ديه ابدا يارب
ندخل فى الموضوع ع طول
طبعا كلنا عارفين ان احلى فترة بتيجى بعد الجواز هو خبر الحمل
والحمدلله بعد م كلنا عرفنا الخبر وعملنا التيست ومرينا بالثوانى ال فاتت ساعات وقعدنا نترعش وهو الخط التانى بيظهر وصوتنا احنا واجوزانا م الفرحه وحللنا
واتطمنا ع صحة البيبى
وبسرعه عدوا اول 3 شهور وفيه جزء مننا كبير عرف نوع البيبى ف اول الرابع
ندخل ع احلى مرحله وهى شرا مستلزمات البييييييبى 
اهم نقطه م نسيبش نفسنا لاخر فترة عشان م يتولدش البيبى وحاجته ناقصه وم نكروتش ونبدا نجيب الحاجات الاساسيه واحده واحده ع مهلنا من بدرى لان لو جبناا كل الحاجات مره واحده هتبقى تقيله ع اجوازنا
وحتى نحس بمتعة الحاجه
وبالنسبه ليا ده اول بيبى ليا ف عملت مع اختى اجتماع مغلق لانها خلفت من سنه ونص وحصرنا حاجه البيبى ع حسب م افتكرنا
يالا نبدأ
بسم الله
نبدأ الموضوع ده بحاجات الصيدليه
والانواع الكويسه عشان منحتاسش هناك
وبتكون كالتالى
1- البيبرونه
افنت نوع كويس اوى
والاحسن لو هنرضع طبيعى يبقى نجيب الصغيره وتقريبا بتكون ف رينج 75 جنيه عشان البيبى م يدخش بطنه هوا وتعمل غازات وتضايقه وحتى تبقى ع أد الشنطه
لكن ال بيرضعوا صناعى يبقى يجيبوا الكبيره
2- تيتية البيبى
ماركة بيبى جونيور للتيتينا كويسه اوى
تقريبا ب 22
ونخلى بالنا تكون بغطا لان افنت حلوه اوووى بس للاسف من غير غطا
3- مجموعة مستلزمات البيبى كلها بيبى جونيور زى
فرشه و مشط
شفاط المناخير
القصافه
عليقة التيتينا
4- معلقة الاكل برضه بيبى جونيور
5-قطارة مترقمه للدواء( ودي مهمه لان الاطفال بياخدوا الدوا بالملى )
6- مقص البيبى
7- سبرتو (هتلاقوه كده ببخاخ أبيض)
8- شاش و قطن وبلاستر ابيض ال بيكون ملفوف ده ف بكرا حمرا (ودول عشان السوره بتاعة البيبى لحد م تقع ع خير)
9- زنك أوليف ( ده مهم للتسلخات بتاعة البيبى )
وهتلاقوة تقريبا ب 6 جنيه
10- أعشان بيبى كالم
11– شامبو جونسون للأطفال
12- لوشن جونسون
13- شاور جيل جونسون برضه احلى ال ب ريحة اللافندر
14 برفان جونسون ( وده هتلاقيه من غير اتومايزر وبروايح كتير اختاروا ال يعجبكم )
وديه المجموعه كلها
واكتر ريحة حلوه برضه الافندر ال غطاه موف اول واحد
15 – كريم اى بى ديرم ( وده بيبقى لوش البيبى لانه احيانا بيطلع جمب بقه حبوب صغيره من اللبن لما بيقع )
17– مناديل بيبى كير ( وديه للبيبى لما بيغير بنمسحله وخاصة اول م يتولد لان مش بينفع ياخد شاور ع طول وخاصة لو شتا )
او طبعا اى نوع تانى المهم يكون مكتوب عليها خالي من الكحول
18- كدلز البيبى ( احسن نوع من وجة نظر ال اعرفم بيبى جوى )
ديه كل الحاجه ال افتكرناها وو نسيت حاجه هاجى اكتبها
واى فتوكه شافت حاجه ناقصه تقولها
ربنا يكملنا كلنا ع خير ياااااااارب ونولد ع خير
و م تنسوووش التقييم يابنات
SaSo l(S.M)l SaSo l(S.M)l 153253_16.gif سوبر فتكات Fatakat 153253 AleX جوه حضن جوزى جنتى بجد – ♥ ♥ فى حضن روح قلبى دودووو ربنا يخليهولى ونفضل دايما متجمعين ع خير يارب ♥