مستشفى الجزيره نضيفه ولسه تعتبر جديده ودي اول مره اولد فيها
اولا الدكاتره هناك مبتسمين وبيطمنوا عليكي كل شويه وشاطرين وفاهمين شغلهم
وبالنسبه للتمريض ده بقى كان في كويس وفي لأ على حسب الشيفتات انا كنت في المستشفى من 1 الضهر لحد تاني يوم الساعه 10 الصبح اللي كانواالضهر لحد 8 9 باليل كانوا زي الفل كل شويه يدخلوا يطمنوا وبشوشين ولذاذ جدا من بعد كده ربنا رزقني بواحده مش عارفه اقول ايه مدخلتش غير مره تعلق المحلول وكل شويه مامتي تندهلها علشان نسأل على حاجه زي مثلا الدكتوره كتبت على مضاد حيوي هاخده امتى كده وهي حطتلي حفاضه كده علشان الدم والكلام ده ولا سألت عليها لدرجة اني انا بعد ما دخلت الحمام انا اللي غيرت الحفاضه لاني جايبه معايا طبعا ولبست وبعدين دخلت بعديها قالت ايه انت لبستي ليه انا لسه هاجي احميكي والبسك كنت عايزه اخبطها بحاجه المهم علشان انا والده قبل كده فعارفه
بالنسبه للنضافه بيدخلوا يمسحوا ويغيروا باسكت الزباله
يعني عموما هي مستشفى حلوه ومحترمين ونضيفه ودي اهم حاجه
انا ولدت مع د: ناديه جلال ربنا يباركلها في المرتين
والولاده اتكلفت 4000 بالمستشفى لان الدكتوره تبعهم وانا كمان تبع تامين بس في العموم الغرفه ب 600 والجناح ب1000 غير الدكتوره والمستشفى بس انا اتكلف كله 4000 علشان تبع تامين وربنا يرزق كل حامل بساعه سهله ويرزق كل مشتاقه يا رب
dodo2410 dodo2410 719600_1.gif فتكات نشيطة Fatakat 719600 القاهره – مصر