احب الاكل حب جنوني..بيني وبينه صداقة قوية…يارب ميفرقش بينا!
والله ان الي مبتحبش الاكل مش عايشة دنيا!
اصلا حتى باحلامي اشوف صواني جاية وصواني رايحه!
انا عشان خاطر عيونه … اتقنت الطبخ…(بقت اقامتي بالمطبخ اكتر من اي مكان تانى بالبيت)
دايما اقول فى نفسي لو كان الاكل…رجلا …لعشقته
بس الغريب …ان عندي راجل…مش بيحبه !!
مش يعني مبيحبوش …مبيحبوش…بس مابيكترش!!!>>>مش عايش دنيا
يعني ياكل ربع الصينية …والباقي ليا>>ماخلاش ليا حاجه!!
ولو رحنا مطعم يطلب واحد همبرجر..وانا 3 مع وجبة اطفال
>>علشان الهدية!!
ومرة رحنا مطعم ماكولات بحرية…طلب مشوي..وقالى اطلب لك معايا؟
قلت : لا اييه مشوي.!!..عاوزة مقلي ووووكتر الزيت..اااااااااقصد وكتر السلطة!!
ومرة وانا في مطعم رحت الحمام- – وناوية لما ارجع اكمل اطباقى…
ولما رجعت لقيت السفرة نظييييييييييفة مفيهاش ولاربع طبق…!!
قلت : فين السفرة!!..
قال زوجي : قلت للجارسون يشيلها..
زعلت …وخليتهم يعملولى نسخ لنفس الطلب …ولصق في نفس التربيزة..وعملت لها ارسال ل معدتي >>>بقا جهاز مش مطعم
صحيح انى بنكسف آكل قدام جوزى….عارفين حركات الدلع…لكن احيانا مقدرش اقاوم سطوة الاكل.. انزل على الطبق تقولوا داخله سباق !!
وفيه مثل قديم بيقول: لو جاعت الست يبقا تحضروا للاكل>>>وانا دايما جعانه
اذا زعلت اجوع..واذا فرحت اجوع …واذا مشيت اجوع ..واذا تكلمت اجوع …وحتى اذا جعت اجوع
واذا دخلت المطبخ تعالوا شوفوا الفن …اقول للكل : وسعووووووووا..!!.روائح شهيه..واكلات حلوة….واحط سفرة ماتشوفوش اخرها…لكن مشكلتي اني مش بقاوم شكل السفرة بعد كدا …( ولا ماتحتويه من كنووووز ).
مرة لاحظت ان وزني زايد حبتين ..ووقفت عالميزان ولقيت 5 كيلو جديدة عليا!!
رحت لجوزى وانا بعيط
قال : خير!!
قلت وزني زايد 2 كيلو>>>ال3 اخفيت مرة واحدة
قال:عادي متوقع!!
قلت : لا لا مش معقولة اكيد في غلط..يمكن -لاسمح الله – لغبطه بالهرمونات ولا حاجه لازم اروح للدكتور!!
وجوزى مندهش قدام الفيلم بتاعى!!
يقول : احمدي ربنا والله الي فيكى من كترالصحة والاكل بدون داعي!!
قلت : قول ماشاء الله..
قال : ونعم بالله لكن الوضع الي انتي فيه ميتحسدش انتى اخرك شفقة!!..انتبهي لنفسك كم مرة نصحتك تخففي اكلك وتحافظي على جسمك؟!
قلت : وانا عملت ايه …انت شايف بنفسك انا اطبخ لك ..وومكلش…المشكله انك انت الي تاكل وانا الي اتخن!!…>>مازال الفلم مستمر
قال بتعجب : والله!!………بجد!!………انا الي آكل وانتي الي تتخنى!!………..طيب جربي يامظلومة تخيطي بقك..وهاتشوفى النتيجة
>>ليه حته قماش!!
…وسابنى……ومشى………
وانا قعدت افكر بال2 كيلو الزيادة >>صدقت الكدبة
ليه ..واذاى ..ومنين جت؟!!
ياترى من مقلي الاحد ..ولا من بيتزا الاثنين ..ولا من صيادية ….الخ
ولا من اطبقاق الحلوالي لازم بعد كل وجبة غدا وعشا؟
وحطيت قرفى كله في الميزان وقلت له : ((انا عمري وزنت عليك الا وجبت لي البلا….اكيد
مبتحبنيش وتكرهنى ))
على سيرة الكره….انا فييه حاجة ثانية بكرهها بحياتي غير الميزان
اسمع البنات يقولوا ريجيم ..ريجيم>> اقول دلع ومياعه
انا احرم نفسي من الاكل ..واعمل ريجيم!!
انا اتخلى عن الصداقة الحميمة الي بينا!!
انا اسيب الحلويات …………..طيب الحلويات للحلوين وانا حلوة
>>>بس سمينة
تصدقوا لو كان الريجيم رجلا لقتلته >> قديمه
لا لا فكرة الريجيم فكرة فاشلة جدا .. ومفكرش فيها…اكيد في وسيلة ثانيه عشان اطير ال5 كيلو بس هدور واشوف….
وقرأت بالكتب مثل يقول: كل كتير ..وامشي اكتر
واجتهدت ..وعملت رياضة …لكن برضه زاد وزني 5 كيلو تانية نهاية الشهر…!!
واكتشفت اني عكست الحكمة ( امشي كتير ..وكل اكتر)
يعني كنت كل بعد حصة رياضة …انزل عالاكل ..على بالي خلاص الرياضة حرقت الاكل الل قبله …
قال لي زوجي : ها كم وزنك الشهر دا..شكل الحمولة زايدة؟
قلت : نفسه مزدش !!
قال : معتقدش
قلت باحباط : انا عملت رياضة طول الشهر منفعش وانت شفت بنفسك
قال باستهزاء : ايوة شفتك وانتي بتمشى عالسيرير وطبق الكنافة فى ايدك……وشفتك لما خلصتي رياضة ربعتى على طبق كفته وبعدها نمتى!!
>>يالهوي بيراقبني
يابنت الناس افهمي وخلي عزيمتك قوية..لو موش علشاني عشان صحتك..السمنة هتضرك..
قلت له : كل الرجاله يحبو التخينه!!
قال : مين قالك كدا..الراجل يحب التخن فى اماكن معينة>>>عيب
لكن يكره السمنة المنتشرة بكل مكان..انتي جسمك بقا كله نتوءات !!>>يعنى ايه نتوءات دى!!
قلت : شفت بتقول يحبوا السمنة بمواضع؟؟!!..يعني كلامى صح..المهم بيحبوا السمينة وبس!!
قال : طيب متفقين …بس مش زىسمنتك…انتي تعديتي الحدود الحمراء..بقا شكلك زى الاسطوانة!!
قلت بعصبية: نتوءات…اسطوانة ..ايه الكمات الجارحه دى !!
قال بصوت عالى : لان الوضع بقا مينسكتش عليه وافهمى واللحقى نفسك احسن..ولا اااااااا ..!!
مقلش حاجه بس قام وفتح دولابي ورمى عليا واحد من هدومي فاول جوازى ومشى!!
ليه؟
حركة غريبة صح؟
>>> عقله طار الراجل
رحت لماماواخواتي اشكيلهم قسوة جوزي…
وقلت لاختي : جوزى قال لي كلام جارح انهاردة…شكلي زى الاسطوانة وكلي نتوءات ؟…الا على السيرة هيا ايه النتوءات دى؟!!
قالت اختي بسخرية: يعني مش مسطحه؟
قلت : ليه انا كرة ارضيه ؟
قالت : يعني ان جسمك بايظ
قلت : يخرب بيتك!!
قالت : اعمل لك ايه مش راضيه تفهمى!!
قلت:متكونيش انتى والزمان عليا كفايه جوزى!
قالت: والله انتي عدوة نفسك الوحيدة!!
قلت : متقولليش موالك ال علطول بتقوليه اعملى رجيم زهقتينى!
قالت : ومعنديش غير الكلام دا.
قلت : وقالي كمانخسى ولا ااااااا..؟؟…بعدين قام ورمى واحد من هدوم فرحى عليا ومشى؟..تفتكرى قصدة ايه…؟!
قالت : والله ان كترالاكلطيرعقلك مش بس بطنك مبقتيش تفهمى!!
قلت : بطلللللللى…!
قالت : يقصد ارجعي لوزنك زي اول ماتجوزتك ولا هتجوز عليكى
قلت : باااطل …ميقدرش……
الا ……بزمتك……….. بالله جسمي مبقاش اوعااا ومحلو بعد ال 10 كيلو؟؟
قالت بصوت عالي :يارب يتجوز عليكى 3!!
صرخت فى وشها اكتمى!!..
واشتكيتها لماما.
جت ماما الحنونه وقالت ايه الحكاية؟
قلت : بنتك الحقودة تدعي عليا !!
قالت امي : ليييه تدعي على اختك!؟
قالت اختي : والله ياماما بنتك مبتفهمش مرارتها مفقوعه كل يوم جوزها يهددها خسى ولا هاتجوز عليكى ولاهمها متمسكه بحللها وتاكل …داهمها بالحياة!!
بصت لى ماما نظرات عتب ..خلتني بنص هدومي!!
وانا انهرت بالعياط وقلت مش قادرة ياماما احرم نفسي احس ان بعد كل حرمان ارجع للاكل بشراهه اكتر
قالت ماما : اشغلي نفسكبحجات تانيه ..متخلهوش اكبر همك..ووووووووومن النصايح الامومية دى بقا..
ورجعت لبيتي وعندي شوية عزيمة (اعرف انها ستتلاشى امام طبق حلو من صنع ا يدي!!)
ايوة والله تخنى من صنع ايدى>>اعتراف
وقررت ( وياما قررت!! ) اني اقاطع المطبخ…وانهي صداقتي بالاكل واني مانهزمش قدام اي طبق مغرى قدامي…واعمل ريجيم قاتل>>حرب
ومازال الوضع قائم……………..
…شهر افوز انا…وشهر يفوز الاكل..
شهر ينتصر الريجيم ..وشهر ينقلب على عقبيه
وشهر فرحان جوزى مني ..وشهر يجهز للعرسه
ومازال هو الي ياكل ..وانا الي اتخن <<رجعنا للكذب
اتمنى تعجبكم
ودى مذكرة كل سمينه
الغلاااا الغلاااا 528429_1.gif فتكات هايلة Fatakat 528429 القاهرة – مصر