السلام عليكم ورحمة الله وبركاته
زى ماالعنوان مكتوب كده بالظبط يابنات
هقولكم مخنوقة ليه لانى من ساعت مااتجوزت وانا عمالة بتخن بتخن مش عارفة هروح لحد فين
انا اتجوزت من سنة تقريبا وربنا كرمنى وحملت بعدها بكام شهر وحاليا انا فى السابع
كنت قبل جوازى 80 كيلو واول الحمل وصلت ل 90 ودلوقتى بقيت 105 ولسة الزيادة مستمرة عشان الشهرين الجايين وزن البيبي بالاضافةة لوزنى
حاولت كتير جدا من اول الجواز انى اعمل رجيم بس مكنتش بكمل اسبوع وخلاص ومن ساعة الحمل مبقتش بعمل اى رجيم كل يوم اقول هبدا رجيم متوازن وهاكل فاكهة وخضار وهشرب مية واجى على اخر اليوم الاولانى وااااااااااكل كتيييييييييييير فى العشا واعمل سندوتش حلاوة او اكل شيكولاتة او او او المهم ابوظ وخلاص وارجع تانى يوم اقول هبدا وهكذا
خايفة جداااا اسيب نفسى لحد مااولد مش عارفة هوصل ساعتها لكام وجوزى بيكون معايا عند دكتورة الحمل وكل لما ازيد تقولى الزيادة دى غلط عشان تقدرى تولدى طبيعى انتى المفروض متزيديش كده واتكسف ادام جوزى وبحس انى مش طبيعية
انا عارفة ان كل اللى هيقرا موضوعى هيقولى استنى لبعد الولادة وان الرضاعة ممكن تخسسك بس انا بالشكل ده هاكل اكتر فى الرضاعة
وفى نفس الوقت مش قادرة استنى شهرين كمان
اعمل ايه بالله عليكم فيدونى يابنات
pretty.dody pretty.dody images/avatars/pacifier.jpg فتكات رائعة Fatakat 665794 الاسكندرية – مصر