اولا السلام عليكن ورحمة الله وبركاته
جبتلكم وصفة واللهى العظيم طعمها تحفة الاربع قطع دول نص المقدار لانى كنت بجربها لو اعرف انها حلوة كدة كنت عملت المقدار كله او اكتر كمان وبعدين شوفتوا اتنفخت ازاى وكبرت ومن جوة ايه مقلوكوش مورقة كدة وجميلة اوى انا خدت الوصفة من قناة فتافيت بس مش هتلاقوها على موقعهم لانها بتاعة barefoot contessa انا اخدتها كدة من بؤها
جربوها هتعجبكم جدا وخصوصا ان الواحد فين وفين على ما يلاقى وصفة حادقة
بسكويت بالجبن الشيدر: 2 كوب دقيق 12 م/ك زبدة 1 كوب جبن شيدر مبشور+1م/ك دقيق 11/2 م/ص ملح 1م/ك بيكنج بودر 1بيضة+فانيليا ½ كوب لبن او حسب الحاجة نفرك الزبد مع الدقيق باطراف اصابع اليد حتى يصبح كالبقسماط ثم الملح والبيكنج بودر ثم نضع معلقة الدقيق على الجبن الشيدر ونقلبهم حتى لا تهبط ثم نضع الجبن على الدقيق ثم البيضة والفانيليا ونعحن باليد ونضيف لبن حسب الحاجة هتكون العجينة طرية شويتين نضع على الطاولة دقيق كتير ونعحن عجن خفيف جدا 6 مرات تقريبا على الطاولة حتى تكون العجينة صالحة للفرد وهتكون هشة كدة وحلوة نفرد على شكل مستطيل 10*5 بوصة سمك 1.5 سم وتقطع الى 8 قطع على شكل مستطيل وتوضع فى صينية مدهونة وتوضع فى الثلاجة لمدة ½ ساعة ثم تدهن ببيض عليه ماء ويوضع على الوجه جبن رومى مبشور رفيع جدا وتدخل فى فرن ساخن 200 درجة رف اوسط لمدة 10دقائق تقريبا او حتى تحمر من تحت ثم نشغل الشواية ثوانى حتى يحمر الوجه .
دى صورتها بعد ما طلعت من التلاجة
ودى بعد ما طلعت من الفرن معلش الجوانتى اللى ببمسك به الحاجات السخنة محروق على الاخر
ودى فى طبق التقديم
سلام ويارب تجربوها
مواضيع هذا القسم برعاية
casalinga casalinga 134211_11.gif سوبر فتكات Fatakat 134211 6 اكتوبر – مصر