السلام عليكم ورحمه الله وبركاته
انا اول مره اكتب فى القسم ده يارب تكون مش اخر مره وتشجعونى
النهارده جايبلكم اكله سهله اوى وطعمها جامد جداااااا
حتقولولى ياترى ايه حقولكم كوردون بلو حتقوليلى وايه يعنى ما كلنا عارفنها وحفظينها
الجديد هنا بقى انها مش بالبانيه بفراخ مفرومه ولا تدوخى فى حشوها ولفها ولا تحتاجى لخله تقفلى بيها
الموضوع معايا اسهل كتيييييييييير وجربى يا فتوكه انتى وهى
تعالى اقولك طريقه جديده ومختلفة والطعم حكااااايه وجربيها واحكمى بنفسك
اولا المقادير:
1 – صدور فراخ مفرومه
انا هنا فرمت 2 صدور انتى بقى شوفى حسب افراد الاسره
2 – بصله كبيره مبشوره
3 – التوابل ( ملح- فلفل اسود – حبهان مطحون – معلقه كبيره بابريكا )
البابريكا مهمه جدا هى اللى حتدى طعم حلو اوى
نخلطهم كلهم ببعض ونسيبها فى التلاجه من ساعه لساعتين فى التلاجة ترتاح
بعد كده نكون مجهزين الحشو بتاعنا اللى يعجبك وتحبيه (بسطرمه – لنشون _ هوت دوج – سوسيس )
انا هنا حشيت لنشون وجبنه شيدر وموتزريلا
بعد ما طلعت الفراخ من التلاجه اخد منها حته وفردها زى الصور ما حتوضح زى البورجر كده وحشيت الحشوه وقفلت الجوانب
هنا حشيتها جبنه موتزريلا وجبنه شيدر
هنا ضفت عليهم الانشون
هنا قفلتها
وبعدين بالدقيق والبيض والبقسماط
وبعدين دخلتها التلاجه تانى ترتاح ساعه
طلعتها بعد ساعه وقليتها بالزيت وكانت ريحتها وااااااااو
قدمتها مع مكرونه اسباجيتى وسلطة كلو سلو وبطاطس محمرة
والنتيجة ادامك اهى تحفه عجبت جوزى جدا وقالى ابقى اعمللنا كوردن بلو كل يوم
ده طبق لكل فتوكه حترد
يارب يكون الموضوع عجبكم ومتبخلوش عليا بتقيمتكم وردودكم الحلوة
واخر طلب دعوه لمامتى ربنا يشفيها ويخليلى ابنى ويكمل حملى على خير
تطبيق البنات
165
مواضيع هذا القسم برعاية
zyelmalayka zyelmalayka 1088985_1.gif فتكات هايلة Fatakat 1088985 مصر – مصر