من غير رغى كتير لاحسن الواحد ريقه ناشف ندخل فى الوصفة على طول
الاكلة هى مراكب الكوسة (انا اللى سميتها كدة )
كوسة كبيرة فى الحجم** لحمة معصجة من غير طماطم **باشاميل
الطريقة
اولا الكوسة بنقشرها بس مش جامد يعنى بنخربشها كدة من برة مش تقشير تقشير
ونقسمها نصين ونفرغها من الداخل زى كدة
ونسلقها فى مية مملحة نص سوا لانها لسة هتكمل سوا فى الفرن وعلشان متتهريش معاكى
نطلع الكوسة ونسيبها تبرد وبعدين نحمرها على بسيط (الخطوة دى من عندى انتى ممكن متعمليهاش )
تجيبى الصنينية وتحطى فرشة بشاميل (وخلى بالك البشاميل ميكنش تخين يكون سايل شوية )
لانه هيدخل الفرن ويغلى شوية وكمان علشان الكوسة تكمل سواها فيه
ترصى بقى الكوسة وتحطى جواها اللحمة زى كدة
وبعدين تحطى عليهم معلقة بشاميل لكل واحدة وكمان تبشرى طمطماية كدة وتحطيها عالبشاميل علشان تديكى لون
ودا شكلها لما تخرج من الفرن
زوم
وانا قدمتها مع رقاق وسلطة
وممكن تقدميها مع رز بالخلطة زى كدة
وبالهنا والشفا
ودى مواضيعى الخاصة بلاكل ادخلو ممكن تلاقوا وصفة تعجبكم
محتارة تعملى ايه عالغدا تعالى شوفى كدة
https://fatakat.univanet.com/#2674478
وكمان مرة هريحكم من التفكير هتعملى ايه عالغدا النهاردة
https://fatakat.univanet.com/#2758055
وزعت العيال واستفردت بالراجل وعملت …………..
https://fatakat.univanet.com/#2626930
يلا عدو الجمايل* وتعالوا شوفوا اكلة النهاردة كمان بالصور
https://fatakat.univanet.com/#2786859
حليت لك مشكلة غدا النهاردة كمان
https://fatakat.univanet.com/#2701009
عملته من بالليل احسن
https://fatakat.univanet.com/#3176100
مواضيع هذا القسم برعاية
الاءاسامة الاءاسامة 485970_4.gif فتكات ست الكل Fatakat 485970 اسوان – مصر