مين معايا ان اللى اخترع اليوم الفري ده محتاج يتعدم في التحرير؟
اعرفكم بنفسي..
انا مدام بطاطس
بنوتة عندي 24 سنة
مكتوب كتابي وهدخل السنة الجاية اذا اراد المولى سبحانه وتعالى
من صغري بعاني من زيادة الوزن
عمري في يوم ما كنت رفيعة
والسبب
اولا عامل الوراثة
انا طالعة لوالدتى ربنا يخليهالى
طالعة لها في حاجات كتير على فكرة
والسبب التانى قلة خبرة والدتي في موضوع التغذية الصحية
وده اللى خلاها تتعامل معايا غلط في فترة الطفولة والبلوغ من نحية العادات الصحية في الاكل
ومن نحيتها نصحتني موش افطر يمكن موش اجوع بقيت اليوم واقلل من اكلى
ودي كانت بداية المصيبة
اني فضلت بتاع 10 15 سنة مفطرش واجي على اخر اليوم اكل
وللاسف اتعودت على كده
طيب والنتيجة
النتيجة ان عمري ما كنت رفيعة
وكنت دايما محط تريقة الاخرين
لمجرد انى تختوخة
وطبعا كانوا دايما زملائي في المدرسة بيتريقوا عليا
وزملائي في الجامعة كانوا بيعتبروني اخت وبس
هههههههههههه
بمعنى اصح الحمد لله عمري ما اتعاكست (انا مبسوطة طبعا لان من وجهة نظري المعاكسة زيها زي الاغتصاب شيء مقزز)
طيب معملتيش دايت يا مدام بطاطس
يووووووووووه كتيييييييييير
وبعد ما لفيت على دكاترة كتيرة اوى
اقدر اعملك مجلدات لانظة غذائية حاليا من واقع خبرتي
ومن واقع خبرتي برده
الله ينتقم منك يا اللى اخترعتلنا اليوم الفري
ليه؟؟؟؟
سمعاكي يا اللى بتسئلي
لان اليوم الفري ده منتهى الفشل
امسك على نفسي طووووووووووووووول الاسبوع
واجي اخر يوم في الاسبوع بعد ما اوزن
الاقي الدكتور بيقولى بكرة فري
انشاله تاكلى لية خروف
كلى كلى كلى
ازاااااااااااااااى
ما انا معدتي هتكبر تانى
ما انا فضل اكل لانى كنت محرومة
وما ادراكم الاكل بعد حرمان موش بس جوع بيبقى عامل ازاى
اخر دكتور روحت له
كنت ببقى طول الاسبوع محرووووووووووومة واجي اخر الاسبوع الاقي نقصت مفيش
والاقي اليوم الفري
اطلع فيه غلى
شيبسي
بيبسي
شوكلاته
اكل من بره
ما هو فري بقى
اقولكم الخلاصة
الدايت نظام فاشل
الدايت الصح هو نظام الحياة كله واللى تستمري عليه
يمكن الاقي منكم حد معارضني
اكيد هلاقي
انا بس داخلة اقول رايي واللى مختلفة معايا في الرأي اهلا وسهلا بيها
ادخلى اتكلمي وناقشيني واقنعيني كمان
يا جماعة
انا دلوقتي بطلت الدايت من يأسي
مبقولش تعالوا معايا
لا والله بقول اوعى تبطلى
بس عارفين انا بفكر ارجع دلوقتي علشان لما اسافر لجوزي موش حابة يشوفني كده مع اني موش دبة يعني ولا حاجة
بس بفكر انى ابدأ الدايت اللى استمر عليه وهو:
1- الغى التاكسيات. واتمشي لمشاويري على قد ما اقدر.
2- افطر كويس واتغدى كويس وامنع العشا.
3- امنع منعا باتا الشيبسي والبيبسي والشوكلاتة ممكن واحدة كده كل فترة انما الشيبسي والبيبسي سرطان متعبي اصلا يعني منعه صحة.
4- احاول استبدل الدهون الشديدة في الطبيخ بدهون اقل.
5- احاول اشغل نفسي عن الجوع بالفاكهة خلال النهار.
بس كده دماغى فضيت
اللى معايا انى موش امشي على ورقة وابص فيها كل ما اجي احط لقمة في بوقي تقولى انها معايا
واللى موافقة على الدايت والدكتور تقول رايها برده اهلا بيها
المهم اننا نوصل في يوم اللى بنحلم بيه.
وفي الاخر هقول لكل اللى اتريقوا عليا زمان
انا اه تخينة بس انسانة زيي زيكم
موش وصمة عار
ولا حاجة تكسف
وياما رفيعين بيتكسفوا من منظرهم
بس للاسف مفيش حد اسمه دبوسة الرفيعة
في بس دبدوبة التخينة
والسلام ختام
مدام بطاطس مدام بطاطس 688860_1.gif فتكات هايلة Fatakat 688860 المنصورة – قلب حبيبي
سبحان الله و بحمده