ان شاء الله انهاردة انا هنزل طريقة عمل البيتزا بلتفصيل
لكل فتوكة وعروسة جديدة مش بتعرف طريقة عمل البيتزا وباذن الله تعجبكو
هى سهلة وان شاء اللتطلع معكو حلوة
فى الاول اناحبة اقول حاجة انا عملة الموضوع دة لوجة الله تعالى
وانا فى الخدمة واى استفسار انا موجودة وهرد عليكو
نتوكل على الله
دى صورة من الغدا
المقادير
كيلو دقيق
معلقة خميرة فورية
نص معلقة صغيرة سكر
نص معلقة صغيرة ملح
ربع كوباية زيت
الطريقة
هتنخلى الدقيق
وتحطى نص معلقة السكر والملح والخميرة وتقلبيهم مع بعض كويس وتحطى الزيت وتدعكيهم مع بعض كويس اوى وتجبى الميا وتحطى شوية شوية وتعجنى وكل متحتاج ميا تحطى لحد متبقى مسكة بعض كويس وتبقى طرية كدة وتحطيها فى طبق بلاستيك
كبير وتغطيها بحتة قماش قطن وغطة وتحطيها فى فرن البوتجاز ويكون دافى شوية
وتسبيها لمدة 5 ساعات لحد متخمر وتعلى كدة
ونقطعها كور متوسطة
ونفردها بلصينية كدة ونغطيها تانى ونحطها فى مكان دافى لحد متعلى شوية
نجهز بقى الحشو والصلصة
الصلصة دى مهمة جدا لان معظم البنات بتشتريها جاهزة والله انا بعملها احسن من الجاهزة وكفاية انها مضمونة
تجبيى الطماطم 6 حبات طماطم مع 10 فصوص ثوم وتضربيهم فى الخلاط
وبعدين نحطهم على النار ونحطلهم شوية زيت ونسيبها تتسبك اوى
دلوقتى الطماطم خضرة يعنى مش هتتديكى الحمار المطلوب ممكن تحطى معلقة صلصة بتخليها حمر وتقيلة وبعد ما تتسبك تحطيلها كمون وفلفل اسود وملح
اذا كنتى حابة تحطى اى حاجة تانية برحتك ممكن تحطى شطة لو عاوزها حارة
نجيب الفلفل الاوان
وجبنة رومى مبشورة
وزيتون اسود
وشرائح طماطم
الحشو بقى الى تحبية انا عملتها بلفراخ والتونة
كان عندة باينة ومتبلة ببصل وملح وفلفل
قطعتهم شرئح وبشوية زيت صغيرين وشوحتهم
والتونة صفيت الزيت منها وهرستها اوى
جبت البيتزا ودهنتها بلصلصة
وحطيت عليها الفراخ والفلفل
والزيتون والجبنة
بس بصراحة مش بحب عليها طماط علشان كدة مش حطتها
والتانية نفس الطريقة بدا الفراخ التونة
وممكن سجق او جمبرى زى متحبى
دى قبل الفرن ندخلها الفرن على درجة حرارة 200 درجة ونسيبها حوالى 10 دقائق هى مش بتاخد وقت فى التسوية
ودى بعد الفرن
ممكن كمان تحطى عليها جبنة موتزريلا بد الرومى
ودى بلموتزريلا
ودى صورة بتاعت العشا اتفضلو معنا
يارب الموضوع يعجبكم ولا تنسونى من خالص دعائكم
بحبكم فى الله
مواضيع هذا القسم برعاية
حبيبيى يا الله حبيبيى يا الله 539806_6.gif فتكات رائعة Fatakat 539806 القاهرة – مصر
سبحان الله و بحمده