السلام عليكم ورحمة الله وبركاتة يا احلى فتوكات
انا اول مرة اكتب فى القسم الجمييييل دا بس كنت بتابعكم على طول فحبيت افيدكم بحاجة ولو بسييييييطة خالص من اللى انا استفدتة منكم
والحاجة دى ممكن كتييير منكم يكون عارفها بس انا قولت اكتبها للى مش عارف بلاش رغى وهدخل فى الموضوع على طول
انا جوزى كان جايبلى حوالى اتنين كيلو ليمون بس كان كبير كدة وحلو فقولت لما اعصفرة بيبقى حلو اوى فحبيت اوريكم انا عملتة ازاى
اول حاجة بنغسل الليمون كويس وبنحطة فى حاجة واسعة وبنقطعه اربع تربع من فوق بس بيكون سليم من تحت والتقطيع يا حلوين بيكون بشكل طولى زى كدة
بعد ما بنقطعه بشكل طولى يابنات بنجيب ملح وشطة وعصفر وحبة البركه ونخلطهم مع بعض بس معلش صورة الملح والشطة اتمسحوا وانا برفع الصور
وبعدين بنبدأ نحشى الليمون ونرصة جنب بعضة ذى ما الصور موضحة دول كمية 2كيلوا ليمون بنكون جايبين حوالى كيلو كمان او نص كيلو ونقطعة ونعصره فى مكان الليمون الاولانى اللى كان فية علشان واحنا بنقطعة فالاول بينزل منة ميه بنخليها مكانهاوبنعصر عليها بعد كدة بنضيف حوالى ربع زجاجة خل على عصير الليمون وشوية مية بساط ونركنهم على جنب
نيجى بقا لقشر الليمون اللى اتعصر طبعا احنا فتوكات شاطرين مبنرميهوش بنروح حاطين علية ملح وشطةوعصفر وحبة البركة من اللى حشينا بيهم الليمون ونقلبهم كويس ويعدين نحطهم على وش الليمون اللمتعصفر ونضغط بايدينا كويس فايدة القشر دا يافتوكةانتى وهية ان الليمون بيفيب حوالى من شهر لشهر ونصف على ما ينفتح علية بيكون كون طبقة عفن على الوش فبنشيل اول طبقة اللى هيا القشر واللى بيتفضل منة بيبقى زىه زى الليمون اللى تحتة بالظبط بعد كدة بنروح حاطين عصير الليمون اللى احنا عصرناة على الليمون المعصفروعلى الوش طبقة زيت اهم حاجة تكون كمية عصير الليمون مغطية الليمون علشان ميبوظش زى ما الصور موضحه وتغطيه كويس ما يوصلوش هواوبعد شهر ونصف تفتحى علية وتاكلى بالهنا والشفا ولااحسن لمون معصفر بيتباع بره
اهمممممممممم حااااااااجة يافتوكااااااااااااااات انا تعبت اوى فى كتابة الموضوع والتصوير ورفعها فعاوزة من كل فتوكة تقرا الموضوع دا تدعيلى انا وزوجى واهلى وبنتى بالفردوس الاعلى وان ربنا يرزقنا الحج عاجلا غير اجل وان يتغمدنا فى رحمتة اللهم امييييييين
سبحانك اللهم وبحمدك اشهد ان لا اله الا انت استغفرك واتوب اليك مواضيع هذا القسم برعاية
ام مسلم1993 ام مسلم1993 فتكات نشيطة Fatakat 1131058 البحيرة – مصر
سبحان الله و بحمده